Category Archives: यायोक्खा हङकङ

सिङ्गापुरमा मनाइयो साकेला

सिङ्गापुर, १३ जेठ । सिङ्गापुरमा किरात राई जातिको महान् चाड उभौली अर्थात् साकेला भव्य रुपमा मनाइएको छ । त्यहाँ रहेका किरात राई समुदायले विभिन्न कार्यक्रमहरूको आयोजना गरी उभौली मनाएका हुन् ।

singpore1

यलेदुंङ ५०७७ का अवसरमा किरात राई सांस्कृतिक मञ्चद्वारा सिङ्गापुरस्थित फुचो एसोसिएसन सभा हलमा आयोजित ‘साकेला कार्यक्रम’मा ‘शिली’ टिप्दै किरात राई समुदायले हर्ष र उल्लासपूर्वक उभौली मनाएको कार्यक्रममा सहभागी एक युवाले जानकारी गराए ।

singpore2

उनका अनुसार परदेशमा रहेता पनि आफ्नो कला, संस्कृतिको जगेर्ना गरी भावी सन्ततीलाई संस्कार, संस्कृति र पहिचान परिचित गराउने उद्देश्यले ‘साकेला कार्यक्रम’को आयोजना गरिएको हो । कार्यक्रममा करिब तीन सयभन्दा बढीको सहभागिता रहेको थियो ।

एक बृहत ऐतिहासिक किरात राई बिश्वकोश निर्माण

२६ मार्च २०१७, किरात राई प्रज्ञा प्रतिष्ठान हङकङको पहिलो बैठक बसेको छ । यस बैठकले किरात राई प्रज्ञा प्रतिष्ठान हङकङले किरात राईहरुको “एक बृहत ऐतिहासिक किरात राई बिश्वकोश An Advance Historical Kirat Rai Encyclopedia  निर्माण गर्ने प्रस्ताव पारित गरेको छ । यस बिश्वकोशमा “सुप्तुलुङ, “ईतिहास, “भाषा , “लिपि, “धर्म, “संस्कार, “संस्कृती,  “कला, “साहित्य, “ सृजना भएका खण्डहरु रहने छ ।

हरेक खण्ड निर्माणको लागि किरात राई प्रज्ञा प्रतिष्ठान हङकङले संयोजन गर्नेछ भने नेपालमा रहेका सम्बन्धित क्षेत्रका प्रज्ञिकहरुलाई पारिश्रमिक सहित श्रोत संकलन, अध्यन, उत्खनन तथा लेखनको जिम्मा प्रदान गरिने छ । यसमा लाग्ने खर्च किरात राई प्रज्ञा प्रतिष्ठान हङकङले बिभिन्न दाता, दातृसंस्था तथा राष्ट्रहरुबाट संकलन गर्नेछ । यो बिश्वकोश पहिलो चरणमा नेपाली भाषामा र दोस्रो चरणमा अंग्रेजी भाषामा प्रकाशन गरिनेछ । तत्पश्चात किरातराईहरुको हरेक जातिय भाषा तथा अन्य अन्तराष्ट्रिय भाषामा समेत प्रकाशन गर्दै लगिने छ भनि बैठकले अनुमोदन गरेको छ ।

Encyclopedia Poster copy

सुप्तुलुङ दर्शन र सम्मान

हङकङ।

३१ मार्च-

किरात राई यायोक्खाका केन्द्रिय सदस्य तथा युवा संघका महासचिव हेमन्त राईलाई यहाँस्थित किरात राईहरुको सुप्तुलुङखीम(चुलाघर)मा सम्मान गरिएको छ।

संस्थाका अध्यक्ष रजिन राईले उनको शीरमा फेटा गुथाई दिएर सम्मान गर्नु भएको थियो।

यसैक्रममा किरात राई प्रज्ञा प्रतिष्ठानका कूलपति तथा संस्थाका शशीमदन राई र सल्लाहकार हेजेन राईले उपहार प्रदान गर्नु भएको थियो। कार्य समिति सदस्य तथा सिक्रिमा अतिथि स्वागत-सत्कार बिभाग प्रमुख चन्द्रका(माया)राईले कार्यक्रमको व्यवस्थापन गर्नु भएको थियो।राई जातीको मौलिक संस्क्रितिमा फेटालाई उच्च सम्मान मानिन्छ।

शान्तिन,किलुङचुनमा अवस्थित सुप्तुलुङखीम(चुलाघर)मा संसारभरबाट आउने मौलिक किरात राई धर्म,संस्कार-संस्क्रितिप्रति प्रतिबद्ध विशिष्ट किरात राईहरुलाई सुप्तुलुङ(चुला) दर्शन तथा अवलोकन गराई सम्मान गरिने परम्परा रहेको छ।

अतिथि राई मलेसिया,सिंगापुर,थाइल्याण्ड आदि देशहरुमा सम्पन्न आदिबासी जनजाती विश्व युवा नेटवर्कको कार्यक्रममा प्रतिनिधित्व गरे पश्चात यहाँ(हङकङ) आउनु भएको हो।

सम्मानित विशिष्ट युवा व्यक्तित्व राईसँग अन्तरिक अन्तर्क्रिया पनि गरिएको थियो।

किराप्रप्र कूलपति शशीमदन राई,सल्लाहकार तथा पूर्वाध्यक्ष हेजेन राई

र अध्यक्ष रजिन राईले बोल्नु भएको अन्तर्क्रियामा आफ्नो महान धर्म,संस्कार-संस्क्रिति त्याग्दै अन्य नवधर्म तथा केहि पलका मन लुट्ने धर्म-संस्कार-संस्क्रितितर्फ लाग्नेहरुप्रति सहानुभूतिपूर्वक आफ्नो मौलिकतामा विना हिच्किचाहट फर्कन आव्हान गरिएको थियो। आफ्नो मूल घरमा फर्कंदा उस्तै अपनत्व, आत्मीयता,आदर-सत्कार,सदभाव रहने कुरा पनि बताइएको थियो।

आफ्नो(किरात राई)जातीको धर्म,संस्कार-संस्क्रितिप्रति अतिक्रमण गर्नेहरु विरुद्ध लडी रहेका देशका अन्तर्क्रियामा प्राज्ञिक व्यक्तित्व भद्रगोल किराती,तेज राई,जनकऋषी राई,शालिक सताशक राईलगायतलाई संम्झदै अतिथि राईले केहि पलका रंगीन र गुलियो नवधर्म,संस्कार-संस्क्रितिले एकदिन जातीलाई नै समाप्त गर्ने तर्क राख्नु भएको थियो।

अतिथि हेमन्त राई आजै नेपाल प्रस्थान गर्दै हुनुहुन्छ।

उहाँलाई शुभयात्रा।

किरात राई प्रज्ञा प्रतिष्ठान हङकङ गठन

१९ फेब्रुअरी २०१७, किरात राई यायोक्खा हङकङले किलुङचुन स्थित आफ्नै सुप्तुलुङखिममा हङकङमा स्थायी बसोबास गर्ने, किरात राई यायोक्खा हङकङमा अनवरत कार्य गरिरहेको ब्यक्ति, किरात राईहरुको मौलिक धर्म संस्कार मान्दै आएको किरात राई यायोक्खा हङकङले प्राज्ञिक भनि प्रतिष्ठा प्रदान गरेको ब्यक्तिहरुलाई भेला गरिकिरात राई प्रज्ञा प्रतिष्ठान हङकङगठन गरेको

images_cms-image-000015530

यस भेलाले निम्न पदाधिकारीहरुको चयन गरेको छ ।

कुलपती : शशि मदन राई
उपकुलपती : किसन राई
महासचिव : किन्दर राई
महाप्रबन्धक : धिराज कुमार राई
प्रज्ञा सदस्य : प्रदिप किरवा
प्रज्ञा सदस्य :
दिपा एवाई
प्रज्ञा सदस्य : दिपेन्द्र राई
प्रज्ञा सदस्य : रिगम राई

पदेन सल्लाहकार : रजिन राई
पदेन
सदस्य : पिताम्बर चाम्लिङ
पदेन
सदस्य : तेज साम्पाङ
पदेन
सदस्य : कमल दुमी
पदेन
सदस्य : पेङगुईन पुमा
पदेन
सदस्य : तिलक बान्तावा
पदेन
सदस्य : रामली थुलुङ
पदेन
सदस्य : हित कोयी

प्रथम यलम्बर ब्याडमिन्टन प्रतियोगीता २०१६

badminton1

१८ सेप्टेम्बर २०१६, हङकङ, किरात राई यायोक्खा युवा खेलकुद, साहित्य तथा सांगीतिक विभागले युनलङ स्थित डिस्ट्रिक्ट स्पोर्ट्स सेन्टरमा 16 गत शुक्रवार आयोजना भएको “प्रथम यलम्बर ब्याडमिन्टन प्रतियोगीता २०१६” को उपाधी किरात राई यायोख्खाको प्रतिनिधित्व गर्दै हेमराज राई र मिलन राईको जोडिले उपाधी हत्याएका थिए।मिन्स डबल्स बेस्ट अफ थ्री सेटमा खेलाईएको उक्त प्रतियोगितामा बिभिन्न सस्थाको प्रतिनिधित्व गर्दै 14 जोडि खेलाडीहरुले भाग लिएका थिए।बिजेता राई जोडिहरु क्वाटर फाईनलमा ईन्द्र वनेमको जोडि सङ्ग पहिलो सेट गुमाएर निकै संघर्षपुर्ण सेटमा 3 सेटमा सेमि फाईनल पुगेका थिए, सेमिमा पनि 3 सेटमा निकै मेहनत गर्न परेको उनिहरुले फाईनलमा बिशाल राई र शुभ राईको उत्कृष्ट जोडीलाई निकै प्रतिस्पर्धात्मक खेलमा भेराईटी तथा ट्रीक्की सटहरु प्रहार गरेर फिजिकल तथा साईकोलोजिकल दवाब सिर्जना गर्दै सोझो सेटमा पाखा लगाएर उपाधी चुम्न सफल भए। “यो भन्दा अगाडी कहिल्यै हराउन नसके पनि आजको महत्त्वपूर्ण प्रतियोगितामा उनिहरुलाई हरेक प्वाइन्टमा दवाब सिर्जना गरि मौकाको फाइदा उठाउन सफल भयौ, जसमा पार्टनर मिलनले क्रुसियल समयमा राम्रो साथ दिएको हुनाले जित्न सजल भयौ” जित पश्चात हेमराजले खुशी ब्यक्त गर्दै भने। फाईनलिस्ट दुबैले किरात राई यायोख्खाको प्रतिनिधित्व गरेका थिए। बिजेताले 5 हजार डलर,मेडल,ट्रफी र प्रमाणपत्र हात पारे।त्यसैगरी फस्ट रनर अप बिशाल राई र शुभराज राईको जोडिले 3 हजार डलर,मेडल र प्रमाणपत्र प्राप्त गर्न सफल भए भने सेकेन्ड रनर अप साङ्बु शेर्पा र कमन सिंह लावतीको जोडिले 1 हजार डलर,मेडल र प्रमाणपत्रले पुरस्कृत भए।साथै वेष्ट प्लेयरको उपाधि मीन घलेले प्राप्त गरे। बिजेता खेलाडीहरुलाई अतिथिगण,किराया सल्लाहकार शशिमदन राई,अध्यक्ष रजिन राई लगायत बिभाग प्रमुख तथा संयोजकको बाहुलीबाट पुरस्कार वितरण गरिएको थियो।

badminton2

स्मरण रहोस यो भारी दर्शकहरुलाई तानेका उक्त प्रतियोगिता सम्पन्न गर्न किराया खेलकुद बिभागमा विभाग प्रमुख तेजकुमार राई र संयोजक गंगाराम राई रहेको थियो भने बज्र कुमार राई र बिमल राई भुमिका महत्वपूर्ण निर्बाह गरेका थिए।

प्राच्यो मुन्धुम बिमोचन

१२ जुन २०१६, आईतबार, थुलुङ राई सामा हङकङले श्री पुर्ण सिङ थुलुङद्वारा लिखित थुलुङ राईहरुको प्राच्यो मुन्धुम पुस्तकको बिमोचन  नया पेजको कार्यलय, जोर्डन सम्पन्न गऱ्यो ।

Thulung