चूला दर्शन

अनुसुचि १

किरात राईहरुको सवभन्दा ठूलो देव भनेको नै तीन चुलो हो । मुलघर परिवारबाट अलग भएपछि थपना गर्ने पहिलो वस्तु नै चूला हो । हरेक किरात राईहरुको धार्मिक आस्थाको प्रतिक नै तीन चूला हो । हरेक किरात राईहरुको साझा विशेषता नै तीन चुलो हो । चूलामा ३ वटा ढुङगा गाढेको हुन्छ । यसले बंश, दाजुभाई र कुटुम्ब गरी मानव समाजलाई ईङ्गित गरेको हुन्छ । उत्तर तर्फको ढुङगाले बंशलाई, दाहिने तिरको ढुङगाले दाजुभाईलाई र देब्रे तर्फको ढुङगाले कुटुम्बलाई बुझाउदछ । चूलामा सामान्य भात भान्सादेखि कर्म धर्म, रितीथितीका सम्पूर्ण कुराहरु गरिन्छ । किरात राईहरुको चूलामा जन्म दिने पुर्वजहरुले बास गरेको हुन्छ भनि विस्वास गरिन्छ । किरात राईहरुले प्रार्थना गर्न टाढा जाँदैनन् । यही यहि चुलालाई मन्दिर मान्दछन । चुलालाई  पितृथलो मान्दछन । यही चूलामा प्रार्थना गर्दछन । चूलामा दैनिक पुजा गरे पित्रीहरु खुसी भई चिताएको मनोआकाङक्षा पुरा गरिदिने, धन दौलत र ऐश्वर्य दिने, दुख बिमार हटाउने, शिर ठाडो बनाई दिने बिस्वास गरिन्छ ।

किरात राई यायोक्खा हङकङले नेपाल तथा बिदेबाट बिशेष काम लिई हङकङ आउनु भएका मौलिक किरात धर्म, संस्कार, संस्कृतीमा आस्था राख्ने जो कोही ब्याक्तिहरुले हङकङमा स्थापना गरेको चुलाघरमा सुप्तुलङ दर्शन गर्न ईच्छा गरेमा दर्शन गराई पित्रीहरुबाट आर्शिबाद लिने काम गरिन्दै आईएको छ । चुलादर्शन कार्यक्रममा दर्शन गर्ने ब्याक्तिलाई किराया हङकङको गतिविधिहरु बारेमा जानकारी गराउदै उत्तरोत्तर प्रगतिको कामना गर्ने चलन रहेको छ ।

चूला दर्शनको उदेश्य :

  1. किरात राईहरुको धर्म, संस्कार, संस्कृतीको जानकारी गराउन ।
  2. पुर्वजहरुबाट आर्शिबाद माग्न ।
  3. स्वास्थ्य दिर्घायु तथा उत्तरोत्तर प्रगतिको कामना गर्न ।
  4. किरात राई यायोक्खा हङकङका गतिबिधि जानकारी गराउन ।
  5. एकअर्कामा सुमुधुर सम्बन्ध स्थापित गर्न ।
अनुसुचि २

खर्च आम्दनी

अतिथिहरुसंग गरेको खानपान अतिथिहरु बाहेकका सहभागीहरुले दामासाहीले उठाई खर्च मिलान गरिने छ ।

अनुसुचि ३

आवश्यक सामाग्रीहरु :

  1. चोख्याउनको लागि – दुबो, तीतेपाती र चोखो पानी
  2. आगो बाल्नको लागि – काईला, स्टार्टर र लाईटर
  3. पूजाको लागि – काँसेथालमा अलिकति चामल र दियोबत्ति
  4. आवश्यक फेटा वा गम्छा
  5. मायाको चिनो (भएमा)
अनुसुचि ४

बिधि :

चूलामा आगो बाल्नु पर्दछ । चूलामा जान अगावै दुबो, तीतेपाती र चोखो पानीले छर्केर चोखोनितो भई चूलामा पस्नु पर्दछ ।

चूला दर्शन बाचन :

हे पितापुर्खाहरुहो,
हे सुम्निमा पारुहाङ ।

तपाँईहरुले हामीलाई जन्म दिई,
मानव संसार बसाउनु भयो ।
धर्तीलाई अन्न योग्य बनाई,
हामीलाई बचाउनु भयो ।

हामिले बंश, दाजुभाई, र कुटुम्ब स्वरुप,
तिन चूला स्थापना गरेका छौं ।
समस्त मानव समुदाय र प्रकृति संरक्षणको लागि,
तिन चूलामा भक्ति भाव गर्दछौं ।

मानव दुख, बिमार, कष्ट सारी दिनु होला,
सुख, सम्बृद्धि र लामो आयु दिनु होला ।
झैझगडा, आपत बिपतबाट जोगाई दिनु होला,
आजको भन्दा अझ अघि बढ्ने, बाटो देखाई दिनु होला ।

कुनै कामको थालनी, कर्मधर्म गर्न,
सदैव तिन चूला पुजने छु ।
चिताएको काम, मनोआकांक्षा पुरा होस भनि,
चूला प्रार्थना गर्दछु ।

जय पितापुर्खाहरु हो ।
जय सुम्निमा पारुहाङ ।।

अनुसुचि ५

किराया हङकङ बारेमा :

किराया स्थापना : 28 Jan 1998
सामुहिक चूला स्थापना : 28 Jan 2005
च्यारिटेबल मान्यता : 19 Mar 2012
धामी नियुक्ति : 06 Apr 2014
चूलाघर खरिद : 20 Jan 2016
अधिवेशन 10औं : 25 Mar 2018
अध्यक्षहरु : 7औं (हरिचन्द्र राई)
बिभागहरु : 15 वटा
भाषिक संस्थाहरु : 8 वटा
भात्री संस्थाहरु : किरात राई प्रज्ञा प्रतिष्ठान हङकङ

सेवामुलक कार्यहरु :
संस्कार सेवा : गर्भ, जन्म, नौरान, पास्नी, छेवर, बिबाह, मृत्यु संस्कार
पूजा सेवा : चुलापुजा, न्वगी, चुलादर्शन, चूलाग्रहण, गृहपूजा, ब्यावसायपूजा
प्रर्दशनी : झाँकि, साकेला शिलि, भेषभुषा, गरगहना, खानपान
चाड पर्वहरु : उभौली, उधौली, साउने संक्राती, माघे संक्रानी

बार्षिक कार्यक्रमहरु :
कार्यक्रमहरु : यलम्बर साँझ, खेलकुद प्रतियोगिता
दिवसहरु : येलेदुङ, स्थापना दिवस, तयमाखियमा दिवस
प्रकाशन : यलम्बर स्मारिका, kiratrai.org (Online)

भावि निर्माण कार्यहरु :
ऐतिहासिक निमार्ण : सुम्निमा पारुहाङको मुर्ती, वाबुक भएको प्रवेश दुवार, तयामा खियामा, रैछाकुलेको मुर्ति, यलम्बरको ताम्रचित्र निर्माण
संकलन/संरक्षण : शिलि संरक्षण, तथ्याङक संकलन, मौलिक सामाग्री संकलन, किरात राई बिश्वकोष निर्माण
सुबिधा निर्माण : पार्टि प्यालेस, परिवर्तनीय कोठा, भिआईपि शयनकक्ष, प्रतिस्थापन चूला निर्माण

अनुसुचि ६

कार्यक्रमको रुपरेखा :

  1. परिचयात्मक आशन
  2. चूला दर्शन बारेमा
  3. दियोबत्ति बालि पुजा – अतिथिबाट
  4. चूला दर्शन बाचन
  5. सम्मान (पुरुष भए फेटा वा महिला भए गम्छा)
  6. मायाको चिनो भए सो प्रदान
  7. किराया हङकङका गतिविधिबारे जानकारी – नं. ६
  8. अतिथिलाई शुभकामनाप्रदान
  9. अतिथिले ब्यक्तिगत परिचय सहित बिचार राख्ने
  10. कार्यक्रम समापन साथै सगुन बितरण र फोटो सेसन

डाउनलोड :

नम्बर बिवरण पिडिएफ एमएस–वर्ड
1 चूलादर्शन सुचिपत्र प्रिन्ट एडिट
2 चूलादर्शन फ्लायर प्रिन्ट एडिट
3 चूलादर्शन फारम प्रिन्ट एडिट

 

(समाप्त)

चूला दर्शन सेवाका केही झलकहरु

३ जुलाई २०१६, चुलाघरमा नेपाल चलचित्र बिकास बोर्ड्का अध्यक्ष श्री राज कुमार राई जूको चूला दर्शनको एक झलक ।

chuladarshan

१५ नोभेम्वर २०१५, युङलङस्थित चुलाघरमा (World Heritage: The Birthplace Of Lord Buddha, Lumbini, Nepal) लुम्बिनी बिकास कोषका प्रमुख सम्पर्क अधिकृत श्री ज्ञानीन राईलाई चुला दर्शन तथा संम्मान ।

Chulameet7

१३ अप्रिल २०१५, युङलङस्थित किरात राईहरुको चुलाघरमा शशस्त्र प्रहरी बलका अतिरिक्त प्रहरी महानिरीक्षक(Additional Inspector General Armed Police Force, AIGP) तथा भलिबल खेलका पूर्ब राष्ट्रिय खेलाडी दुर्ज कुमार राई र उहाँकै भान्जा, अर्थोपेडिक डाक्टर सुमन राईलाई चुला दर्शन–ढोग ।

Durjadhan

१६ नोभेम्बर २०१४,  – नेपालबाट आउनु भएका किरात राई यायोक्खाका केन्द्रीय सदस्य, चाम्लिङ खाम्बातिमका केन्द्रीय महासचिव तथा किरात कर्मचारी मंचका महासचिव युवराज राई र उहाँकी पत्नी कमला राईलाई किरात राई यायोक्खा, हङकङले युङ्लङस्थित चुलाघरमा चुला दर्शन–ढोग  । 

yubaraj2

५ अक्टोबर २०१४, वरिष्ठ संगीतकर्मी,संस्कृतिविद तथा “बिनायो” चलचित्र निर्माता जितेन राईज्यू र उहाँकी श्रीमती चलचित्र की सहनिर्माता तथा  भेषभुषा निर्देशक शान्ति राईज्यूलाई चुला दर्शन–ढोग गराइदैं।

Jiten2

७ मे- २०१४ । किरात राई ययोक्खा हङकङले “धरान-धनकुटा-भेडेटार …”हिउँद गयो बर्खा लाग्यो…”आदि जस्ता दर्जनौ चर्चित गीतका गायिका शुश्री लिजा राईलाई युङलङस्थित चुलाघरमा चुला दर्शन–ढोग । 

liza

8 Mar 2014, किरात पत्रकार संघ नेपालका केन्द्रिय महासचिब तथा गोर्खा सैनिक आवाजका सम्पादक राजेश राई हंकंगमा सामुहिक चुला दर्शन–ढोग ।

Rajesh