चुला दर्शनको फारमचुला दर्शनको लिफलेट

चुला दर्शन ढोग :

किरात राई जाति बिच समान्ता र आस्थाको प्रतिक चुलाको बेग्लै अर्थ रहेको छ । आदिम कालदेखी मानि आएको किरात राई जातीले चुलालाई पित्रीहरु बस्ने खेल्ने पवित्र स्थलको रुपमा मान्दछ । इस्लामको मस्जिद, हिन्दुको मन्दिर, क्रिश्चियनको चर्च, बौदको गुम्बा जस्तै हो किरात राईहरुको चुला । चुलामा ३ वटा ढुङगा गाढिएको हुन्छ । पहिलो ढुङगाले बंशलाई, दोस्रो ढुङगाले कुटुम्बलाई र तेस्रो ढुङगाले समाजलाई ईङिगत गरेको हुन्छ । किरात राईहरुले चुलामा पुर्वजको स्मरण र भक्ति गर्ने गर्दछ । चुलामा आफुलाई जन्म दिने पुर्वज तथा देवी देवताहरुले बास रहेको हुन्छ भनि मान्दछ । चुलालाई ढोग गरे पित्रीहरु खुसी भई चिताएको मनोआकाङक्षा पुरा गरिदिने, धन दौलत र ऐश्वर्य प्राप्त हुने, दुख बिमार नहुने, शिर ठाडो हुने बिस्वास गरिन्छ ।

1383496_515908541837892_1800651653_n

चुला दर्शनढोगमा आवश्यक सामाग्रीहरु :

  1. काँसेथालमा अलिकति चामल र दियोबत्ति
  2. दियो बाल्ने तेल, सलेदो र लाईटर
  3. आवश्यक फेटा र गम्छा
  4. चुला दर्शनढोग बारेमा लिफलेट
  5. किराया हङकङका गतिबिधि लिफलेट

चुला दर्शन गर्ने वा गराउने भए

बिशेष काम लिई हङकङ आउनुहुने, मौलिक किरात धर्ममा आस्था राख्ने जो कोही किरात राईहरुले हङकङमा रहेको सामुहिक चुला दर्शन ढोग गर्ने इच्छा भएमा वा वहाँको आफन्तजनले चुलादर्शन ढोग गराउने ईच्छा भएमा निम्न कार्य गर्नुपर्नेछ ।

  1. चुलादर्शनको फारमभरी किराया हङकङको कार्यलयमा बुझाउनु पर्नेछ ।
  2. किराया हङकङले फारम हेरी उपयुक्त समय मिलाई स्विकृती प्रदान गर्नेछ ।

किरात राई यायोक्खा,
अतिथि स्वगत तथा सत्कार बिभाग
(Guest Welcome & Hospitality Depart)

चुल्हा दर्शनको उदेश्य :

  1. किरात राईहरुको पारस्पारिक सम्बन्धलाई मजबुत बनाउन ।
  2. स्वास्थ्य दिर्घायु तथा उत्तरोत्तर प्रगति होस भनि कामना गर्न ।
  3. किरात राई यायोक्खा हङकङका गतिबिधि जानकारी गराउन ।
  4. किरात राईहरुको धर्म, संस्कार, संस्कृतीको संरक्षण गर्न ।
  5. आफुलाई जन्म दिने पुर्वजहरुको स्मरण गर्दै बल शक्ति माग्न ।

कार्यक्रमको रुपरेखा :

  1. आशन ग्रहण (अध्यक्ष, अतिथि तथा अन्य विशिष्ट ब्याक्तित्वहरु)
  2. उपस्थितजनको परिचय सहित आशन
  3. चुला दर्शनबारे जानकारी (उपाध्यक्षबाट)
  4. किराया हङकङका संगड्ठानीक गतिविधिबारे जानकारी (अध्यक्षबाट)
  5. अतिथिलाई सम्मान (पुरुष भए फेटा वा महिला भए गम्छा)
  6. अतिथिद्वारा चुल्हा दर्शन–ढोग (ऐच्छिक भेटी चढाउने)
  7. अतिथिलाई शुभकामना प्रदान (बिशिष्ट ब्याक्तित्वहरुबाट)
  8. अतिथिको ब्यक्तिगत परिचय सहित तथा बिचार राख्न दिने
  9. कार्यक्रम समापन
  10. सगुन बितरण

(समाप्त)

चुला दर्शन सेवाका केही झलकहरु

३ जुलाई २०१६, चुलाघरमा नेपाल चलचित्र बिकास बोर्ड्का अध्यक्ष श्री राज कुमार राई जूको चूला दर्शनको एक झलक । खान पान को ब्यवस्था पनि चूलाघरमा नै गरिएको थियो।

chuladarshan

१५ नोभेम्वर २०१५, युङलङस्थित चुलाघरमा (World Heritage: The Birthplace Of Lord Buddha, Lumbini, Nepal) लुम्बिनी बिकास कोषका प्रमुख सम्पर्क अधिकृत श्री ज्ञानीन राईलाई चुला दर्शन तथा संम्मान ।

Chulameet7

१३ अप्रिल २०१५, युङलङस्थित किरात राईहरुको चुलाघरमा शशस्त्र प्रहरी बलका अतिरिक्त प्रहरी महानिरीक्षक(Additional Inspector General Armed Police Force, AIGP) तथा भलिबल खेलका पूर्ब राष्ट्रिय खेलाडी दुर्ज कुमार राई र उहाँकै भान्जा, अर्थोपेडिक डाक्टर सुमन राईलाई चुला दर्शन–ढोग गराईयो ।

Durjadhan

१६ नोभेम्बर २०१४,  – नेपालबाट आउनु भएका किरात राई यायोक्खाका केन्द्रीय सदस्य, चाम्लिङ खाम्बातिमका केन्द्रीय महासचिव तथा किरात कर्मचारी मंचका महासचिव युवराज राई र उहाँकी पत्नी कमला राईलाई किरात राई यायोक्खा, हङकङले युङ्लङस्थित चुलाघरमा चुला दर्शन–ढोग गराईयो । 

yubaraj2

५ अक्टोबर २०१४, वरिष्ठ संगीतकर्मी,संस्कृतिविद तथा “बिनायो” चलचित्र निर्माता जितेन राईज्यू र उहाँकी श्रीमती चलचित्र की सहनिर्माता तथा  भेषभुषा निर्देशक शान्ति राईज्यूलाई चुला दर्शन–ढोग गराइदैं।

Jiten2

७ मे- २०१४ । किरात राई ययोक्खा हङकङले “धरान-धनकुटा-भेडेटार …”हिउँद गयो बर्खा लाग्यो…”आदि जस्ता दर्जनौ चर्चित गीतका गायिका शुश्री लिजा राईलाई युङलङस्थित चुलाघरमा चुला दर्शन–ढोग गराईयो । 

liza

8 Mar 2014, किरात पत्रकार संघ नेपालका केन्द्रिय महासचिब तथा गोर्खा सैनिक आवाजका सम्पादक राजेश राई हंकंगमा सामुहिक चुला दर्शन–ढोग गराईयो ।

Rajesh