युवा खेलकुद, संगीत तथा संचार बिभाग

Youth Sport, Music & Communication Depart

youth

परिचय

किरात युवा तथा युवतीहरुलाई खेलकुद, संगितको माध्यमबाट एकबद्धता गर्दै किरात राईहरुको इतिहास, भाषा, लिपि, कला, साहित्य, धर्म, संस्कार र संस्कृति प्रति सचेतना अधिवृद्धी गर्न तथा किराया हङकङलाई संचारको माध्यम फेवसबुक, बेभसाईडसंग जोडदै गतिविधि अफटुडेट गर्न यस बिभाग गठन हुने छ ।

उदेश्यहरु

  1. किरात युवा, युवतीहरुलाई खेलकुद, संगितको माध्यमबाट एकता गर्नु ।
  2. बिभिन्न खेल्कुद तथा सांगितिक कार्यक्रमहरुको आयोजना गर्नु ।
  3. ब्यक्तित्व बिकाश, जिवन उपयोगी तालिमहरुको आयोजना गर्नु ।
  4. कार्यक्रमको तस्विर, भिडियो, गतिबिधी अभिलेखिकरण गर्नु ।
  5. कार्यक्रमलाई आवश्यक पर्ने स्थानको बुकिङ, रेन्टिङ आदि गर्नु ।
  6. सरकारी महत्वपुर्ण कागजातहरु तयार पार्नु, बुझाउनु, ताकेता गर्नु ।
  7. किरायाको गतिविधि लाई सामाजिक संजाल र वेभसाईडमा अपडेट गर्नु ।
बिभाग प्रमुख
वेभ एडमिन
बज्र कुमार राई शशि मदन राई
खेलकुद संयोजक
सांगितिक संम्योजक
रजिन राई

हाम्रो कार्यहरु :

  1. वेभसाईट प्रकाशन
  2. यलम्बर सांगितिक साँझ
  3. यलम्बर ब्याडमिन्टन च्याम्पिनशिप

वेभसाईट प्रकाशन :

किरात राईहरुको अफिसियल वेभसाईट kiratrai.org सन २००६ सालमा श्री नरहाङ राईज्यु अध्यक्ष हुँदा दर्ता गरिएको हो । यो वेभसाईट संस्थापक सचिव श्री रामली राईज्युको संयोजकत्वमा, सहसचिव श्री अमोद राईले डिजाईन गर्नु भएको थियो । सन २००८ सालको अधिवेशन संगै श्री अमोद राईको कार्यकाल सकिएपछि, यो वेभसाईटको एडमिनिस्ट्रेटर नभएर लामो समयसम्म बन्द हुन पुग्यो।

सन २०१० सालको अधिवेशन पश्चात श्री किसन राई अध्यक्ष हुँदा अर्काको नाममा दर्ता भैसकेको वेभसाईटलाई अक्सन लडी किनियो र तत्कालिन सचिव श्री पिताम्वर राईज्युले यस्को एडमिनिस्ट्रेटर चलाउनु भयो । तर पुरानो दस्तावेज सवै क्षय भएर गयो ।

सन २०१२ को अधिवेशन पछि श्री शशि मदन राईको अध्यक्षता संगै वेभसाईटको एडमिनिस्ट्रेटर समेत सम्हाल्नु भयो । हाल यस वेभ साईटको डिजाईन र लेखन श्री शशि मदन राईले गर्नु भएको हो ।

९औं अधिवेशन (६ मार्च २०१६) पश्चात यो वेभसाईडलाई निरन्तर संचालन गर्न महासचिव बिभाग प्रमुख रहेको बिभागलाई जिम्मा दिईएको छ ।

३. वेभसाईड निर्माणका उदेश्यहरु :

  1. किराया हङकङको बारेमा विश्वलाई जानकारी गराउनु ।
  2. किराया हङकङले प्रदान गर्ने सेवाहरुको बारे जानकारी गराउनु ।
  3. किराया हङकङको भावि कार्यक्रमहरुको जानकारी गराउनु ।
  4. किराया हङकङको बिधान, नियमावलीबारे जानकारी गराउनु ।
  5. किराया हङकङको बिभिन्न गतिबिधिहरुबारे जानकारी गराउनु ।
  6. किराया हङकङको भाषिक तथा भात्रि संस्थाहरुको बारेमा जानकारी गराउनु ।
  7. किरात राईहरुको ईतिहास, भाषा, लिपि, धर्म, संस्कार, संस्कृती, कला, साहित्य संकलन गर्नु ।

५. बेभसाईडको बनावट :

वेभसाईटलाई निम्न ७ वटा कलममा बिभाजन गरिएको छ ।

  1. Home – किरात राई यायोक्खा हङकङको बारेमा
  2. Departments – किरात राई यायोक्खा हङकङको बिभागहरुबारेमा
  3. Services – किरात राई यायोक्खा हङकङले प्रदान गर्ने सेवाहरुबारेमा
  4. Events – किरात राई हङकङको नियमित कार्यक्रमहरुबारेमा जानकारी
  5. Organization – किरात राई हङकङको भाषिक तथा भ्रातृ संस्थाहरु बारेमा
  6. Regulation – किराया हङकङको बिधान तथा नियमावलीहरु बारेमा
  7. E-Library – ईतिहास, भाषा, लिपि, कला, साहित्य, धर्म, संस्कार, संस्कृती

प्रथम यलम्बर ब्याडमिन्टन प्रतियोगीता २०१६

-मगेन किरात “भोजपुरे”

badminton1१८ सेप्टेम्बर, हङकङ, किरात राई यायोक्खा युवा खेलकुद, साहित्य तथा सांगीतिक विभागले युनलङ स्थित डिस्ट्रिक्ट स्पोर्ट्स सेन्टरमा 16 गत शुक्रवार आयोजना भएको “प्रथम यलम्बर ब्याडमिन्टन प्रतियोगीता २०१६” को उपाधी किरात राई यायोख्खाको प्रतिनिधित्व गर्दै हेमराज राई र मिलन राईको जोडिले उपाधी हत्याएका थिए।मिन्स डबल्स बेस्ट अफ थ्री सेटमा खेलाईएको उक्त प्रतियोगितामा बिभिन्न सस्थाको प्रतिनिधित्व गर्दै 14 जोडि खेलाडीहरुले भाग लिएका थिए।बिजेता राई जोडिहरु क्वाटर फाईनलमा ईन्द्र वनेमको जोडि सङ्ग पहिलो सेट गुमाएर निकै संघर्षपुर्ण सेटमा 3 सेटमा सेमि फाईनल पुगेका थिए, सेमिमा पनि 3 सेटमा निकै मेहनत गर्न परेको उनिहरुले फाईनलमा बिशाल राई र शुभ राईको उत्कृष्ट जोडीलाई निकै प्रतिस्पर्धात्मक खेलमा भेराईटी तथा ट्रीक्की सटहरु प्रहार गरेर फिजिकल तथा साईकोलोजिकल दवाब सिर्जना गर्दै सोझो सेटमा पाखा लगाएर उपाधी चुम्न सफल भए। “यो भन्दा अगाडी कहिल्यै हराउन नसके पनि आजको महत्त्वपूर्ण प्रतियोगितामा उनिहरुलाई हरेक प्वाइन्टमा दवाब सिर्जना गरि मौकाको फाइदा उठाउन सफल भयौ, जसमा पार्टनर मिलनले क्रुसियल समयमा राम्रो साथ दिएको हुनाले जित्न सजल भयौ” जित पश्चात हेमराजले खुशी ब्यक्त गर्दै भने। फाईनलिस्ट दुबैले किरात राई यायोख्खाको प्रतिनिधित्व गरेका थिए। बिजेताले 5 हजार डलर,मेडल,ट्रफी र प्रमाणपत्र हात पारे।त्यसैगरी फस्ट रनर अप बिशाल राई र शुभराज राईको जोडिले 3 हजार डलर,मेडल र प्रमाणपत्र प्राप्त गर्न सफल भए भने सेकेन्ड रनर अप साङ्बु शेर्पा र कमन सिंह लावतीको जोडिले 1 हजार डलर,मेडल र प्रमाणपत्रले पुरस्कृत भए।साथै वेष्ट प्लेयरको उपाधि मीन घलेले प्राप्त गरे। बिजेता खेलाडीहरुलाई अतिथिगण,किराया सल्लाहकार शशिमदन राई,अध्यक्ष रजिन राई लगायत बिभाग प्रमुख तथा संयोजकको बाहुलीबाट पुरस्कार वितरण गरिएको थियो।

badminton2स्मरण रहोस यो भारी दर्शकहरुलाई तानेका उक्त प्रतियोगिता सम्पन्न गर्न किराया खेलकुद बिभागमा विभाग प्रमुख तेजकुमार राई र संयोजक गंगाराम राई रहेको थियो भने बज्र कुमार राई र बिमल राई भुमिका महत्वपूर्ण निर्बाह गरेका थिए।


पदाधिकारीहरु (सन २०१८–२१)

१. बिभाग प्रमुख –
२. खेलकुद संयोजक –
३. यलम्बर साँझ संयोजक –
४. साहित्य संयोजक –

पदाधिकारीहरु (सन २०१६–१८)

१. बिभाग प्रमुख – तेज कुमार राई
२. खेलकुद संयोजक – गंगा राम राई
३. यलम्बर साँझ संयोजक – हरिचन्द्र राई
४. साहित्य संयोजक –

पदाधिकारीहरु (सन २०१४–१६)

बिभाग प्रमुख – कालसिं राई,
खेलकुद संयोजक – मधुकुमार राई,
यलम्बर साँझ पाँचौं संयोजक– धिराज साम्पाङ