नियुक्तिपत्र word icon

भैपरि तथा आपतकालिन सरसहयोग बिभाग

Red heart at the human hands isolated on white

हाम्रो परिचय

हङकङमा बसोबास गर्ने किरात राईहरुलाई आपत बिपत आईपरेको बेला, किराया कार्य समितिको बैठक बसी आर्थिक सहयोग प्रदान गर्ने निर्णय गरेमा, यो बिभागले आर्थिक सरसहयोग संकलन गरि संबन्धित पक्षलाई प्रदान गर्नेछ । नेपालको सन्दर्भमा नेपालमा बस्ने किरात राईहरुलाई सरसहयोग गर्नपरे, किरात राई यायोक्खा नेपाल, केन्द्रिय कार्य समितिको शिफारिस आएमा मात्र आर्थिक सरसहयोग संकलन गरि केन्द्रिय समितिको हातबाट संबन्धित पक्षलाई प्रदान गरिने छ । किराया जिल्ला समिति तथा प्रारम्भिक कार्य समितिको शिफारिसमा सहयोग संकलन गरिने छैन । नेपालमा राष्ट्रिय स्तरको दैविक प्रकोप आएमा, किराया कार्यसमितिको बैठक बसि निर्णय भएमा राहत कोष संकलनको अव्हान गरिने छ । तर ब्यक्तिगत सहयोगको लागि स्वतन्त्रता रहेको छ ।

यस बिभागका बिभाग प्रमुख योग्यताको आधारमा बहालवाला कुनै एक सदस्य रहने छ ।

हाम्रो समुह

subash
१. बिभाग प्रमुख – सुवास राई

image (1)
२. बिभाग संयोजक –

हाम्रो सेवाहरु

१. किरात राईहरुलाई भैपरि आएको बखत सरसहयोग संकलन गर्नु, गराउनु ।
२. नेपालबाट आधिकारिक सरसहयोग गर्नुपर्नेलाई किरात राईहरुलाई सरसहयोग गर्नु, गराउनु ।
३. अन्य बिभागलाई आवश्यक परेको बखत सहयोग गर्नु ।
४. आपत बिपतमा परेकोहरुलाई सहयोग गरेको बिबरण दस्तावेजीकरण गर्नु ।
५. कोष-नियमावली (५) अनुसार भैपरिसहयोग अक्षयकोष र आपतबिपत बिशेषकोष निर्माण गर्नु ।

मनपरी राहत वितरण गर्न रोक

२०७४ श्रावन ३० गते http://www.manasalukhabar.com मा प्रकाशित समचार अनुसार सरकारले  बाढी तथा पहिरो प्रभावित क्षेत्रमा  आइएनजीओहरुलाई मनपरी रुपमा  राहत वितरण गर्न रोक लगाएको छ ।  सोमबार बिहान बसेको केन्द्रीय दैवी प्रकोप उद्दार समितिको बैठकपछि  गृहमन्त्री जनार्दन शर्माले  एनजीओलाई फिल्डमा गएर सामान बाँड्न रोक लगाइएको जानकारी दिए । शर्माले त्यसका लागि समाजकल्याण परिषद्  र अर्थ सचिवलाई निर्देशन आवश्यक निर्देशन पनि दिएका छन् । सरकारको निर्णयसँगै अब एनजीओहरुले सरकारसँगको समन्वयमा मात्रै राहत वितरण गर्नुपर्नेछ ।  भूकम्पको बेला एनजीओहरुले गरेको मनगरीलाई दृष्टिगत गर्दै बाढी पहिरोले निम्त्याएको विपद्का समयमा  सजकता अपनाइएको  गृहमन्त्रीको भनाई छ । एनजीओले  जिन्सी राहत वितरण गर्न चाहे अब विपद् व्यवस्थापन महाशाखासँग समन्वय गर्ने गर्नुर्नेछ भने सरकारले प्राथमिकताको आधारमा वितरण गर्नेछ ।  यस्तै नगद सहयोग गर्न चाहनेले प्रधानमन्त्री दैवी प्रकोप उद्दार राहत कोषमा रकम जम्मा गर्न सक्नेछन् । भनेर प्रकाशित भएको छ । यस सम्बन्धमा प्रधानमन्त्री दैवी प्रकोप उद्धार राहत कोषको बारेमा बुझन जरुरी छ ।

के हो, प्रधानमन्त्री दैवी प्रकोप उद्धार राहत कोष ?

प्रधानमन्त्री दैवी प्रकोप उद्धार राहत कोष नेपाल सरकारले विशुद्ध राहत, उध्दार का लागी स्थापना गरेको हो । यो कोषको प्रयोग दैवी प्रकोपवाट प्रभावितहरुको उध्दार,राहत, पुनर्सथापना का साथै दैवी प्रकोप एवं विपत्तीवाट क्षतिग्रस्त संरचनाहरुलाई पुरानै स्वरुपमा फर्काउने कार्यका लागी प्रयोग गरिन्छ । नेपाल सरकार एवं राष्ट्रिय तथा अन्तराष्ट्रीय श्रोतहरुवाट राहतका लागी प्राप्त हुने रकम नितान्त दैवी प्रकोपवाट प्रभावितहरुलाई राहत प्रदान गर्ने कार्यका लागी मात्र यो कोषमा जम्मा गरिन्छ ।
यो कोषमा जम्मा भएको रकमले कर्मचारीहरुलाई तलवभत्ता/सुविधा प्रदान गर्ने एवं अन्यत्र दान दिने कार्यमा खर्च गर्न पाईदैन । केन्द्रीय तहमा यो कोषको संचालन तथा व्यवस्थापन राष्ट्रिय योजना आयोगका उपाध्यक्ष संयोजक रहेको एवं नेपाल सरकारका विभिन्न आठ वटा मन्त्रालयहरुका सचिवहरु रहेको समितिले गर्दछ । यो कोषमा जम्मा भएको रकम उपरोक्त समितिले सर्वसम्मत निर्णय गरेपश्चात् मात्र नेपाल सरकार गृह मन्त्रालय मार्फत् सम्वन्धित जिल्लाको प्रमुख जिल्ला अधिकारी संयोजक रहेका जिल्ला दैवी प्रकोप उध्दार कोष निकासा गरिन्छ ।
केन्द्रीय प्रधानमन्त्री दैवी प्रकोप उध्दार कोष तथा जिल्ला दैवी प्रकोप उध्दार कोषले खर्च गरेको आय व्यय विवरणको लेखापरीक्षण समय समयमा र वार्षिक रुपमा महालेखापरीक्षकको कार्यालयले गर्दछ ।

प्रधानमन्त्री दैवी प्रकोप राहत कोष के हो र के होईन?

१. यो कोष प्रधानमन्त्री सहायता कोषभन्दा बिक्लुकै फरक कुरा हो । प्रधानमन्त्री सहायता कोषको रकम चाहि प्रधानमन्त्रीको निर्णयका आधारमा खर्च गर्न सकिन्छ (तर प्रधानमन्त्री दैवी प्रकोप उद्दार कोषको सकिँदैन ।)
२. प्रधानमन्त्री तथा उहाँको पार्टीको यो कोषसँग कुनै पनि सम्बन्ध हुँदैन। प्रधानमन्त्री आफैले समेत यहाँ जम्मा भएको रकम चलाउन पाउनुहुन्न । राष्ट्रिय योजना आयोगका उपाध्यक्ष तथा नेपाल सरकारका ८ जना सचिवको गोपनीय निर्णयबाट मात्र यो कोषमा जम्मा भएको रकम परिचालित हुन्छ ।
३. यो पूर्णतया राहत कोष हो। यो कोषमा जम्मा भएको रकम प्रत्येक प्रकोप पीडित जिल्लाहरूमा प्रमुख जिल्ला अधिकारीका माध्यमबाट परिचालित हुन्छ र कर्मचारीतन्त्रका कारण हुने ढिलासुस्ती रोक्न ‘फास्ट ट्रयाक’ पद्दति लागू  हुन्छ ।
४. यो कोषमा जम्मा भएको रकम चन्दा दिन वा अन्य कुनै प्रशासनिक खर्च र ओभरहेड तथा कर्मचारीहरूको तलवसुविधामा खर्च गर्न पाईँदैन। (जस्तै हेलिकप्टरमा चढेर उडेको खर्च यस कोषको रकमबाट बेहोरिँदैन ।)
५. यो कोषमा रकम दुरूपयोग हुने सम्भावना छदै छैन त ? अन्य सबै ठूला दाताहरू जस्तै विश्व बैङ्क, एसियाली विकास बैंक, अमेरिकि र बेलायति सहयोग नियोग र गैरसरकारी संस्थाहरूको रकमहरू सबैमा जस्तै यो कोषमा पनि रकमको चुहावट वा हिनामिना हुने सम्भावना रहन्छ । तर यस्ता दुरूपयोग र चुहावटबाट यस कोषलाई बचाउन यसको नियमित लेखापरीक्षण गर्नुपर्ने प्रावधान छ र यस्तो लेखापरीक्षण महालेखा परीक्षकको कार्यलयबाट गरिन्छ। यस कोषको विवरण अख्तियार दुरुपयोग अनुसन्धान आयोगले पनि परीक्षण गर्न सक्छ ।
६. नेपाल सरकारले सम्भवतः यस कोषको पारदर्शीताको लागि यसमा स्वतन्त्र अडिटको व्यवस्था पनि गर्नेछ।
७. यो कोषमा केन्द्रीयस्तरमा कुनै पनि राजनीतिक दल वा नेताहरूको पहुँच हुने छैन।
८. http://pmrelief.opmcm.gov.np/contributors.aspx मा तपाँईले जम्मा गरेको रकम हेर्न सक्नुहुनेछ ।
९. यस कोषको बारेमा थप स्पष्ट हुनलाई यस कोषका संयोजक राष्ट्रिय योजनाका आयोगका उपाध्यक्ष प्रा. डा. गोविन्द राज पोखरेलको मोबाईल नं ९८५११००४०७ वा प्रधानमन्त्री तथा मन्त्रिपरिषदको कार्यलयका सचिव श्री नारायण गोपाल मलेगोको मोबाईल नं ९८४१५१६५०५ मा सम्पर्क गर्न सकिन्छ।

प्रधानमन्त्री दैवी प्रकोप उद्धार कोषको बैंक खाताहरु

१. बैंक अफ काठमाडौंको खाता 010000062888524, SWIFT code: BOKLNPKA
२. सिटीजन बैंक लिमिटेडको खाता 0010002562CA, SWIFT Code: CTZNNPKA
३. एभरेष्ट बैंक लिमिटेडको खाता 00101102200012 र 00100-105200270, SWIFT Code: EVBLNPKA
४. ग्लोबल आइएमई बैंक लिमिटेडको खाता 0411010000005, SWIFT Code: GLBBNPKA
५. हिमालयन बैंक लिमिटेडको खाता 01905631210011 र 01905631210027, SWIFT Code: HIMANPKA
६. नबिल बैंक लिमिटेडको खाता 1710017505285, SWIFT Code: NARBNPKA
७. नेपाल बंगलादेश बैंक लिमिटेडको खाता 01-035141C, SWIFT Code: NPBBNPKA
८. नेपाल बैंक लिमिटेड काठमाडौंको खाता 002-11-053313, SWIFT code: NEBLNPKA
९. नेपाल इन्भेस्त्मेन्ट बैंक लिमिटेडको खाता 00101010315562, SWIFT Code: NIBLNPKT
१०. नेपाल एस्.बि.आइ बैंक लिमिटेडको खाता 17725240200640, SWIFT Code: NSBINPKA
११. एन. आई. सी एशिया बैंकको खाता 3240374916524001, SWIFT Code: NICENPKA
१२. राष्ट्रिय बानिज्य बैंक लिमिटेड सिंहदरबारको खाता 113000376201, SWIFT Code: RBBANPKA
१३. स्टाण्डर्ड चाटर्ड बैंक नेपाल लिमिटेडको खाता 01-0132438-01, SWIFT Code: SCBLNPKA

– शशि मदन राई