कार्यक्रम नियमावली (३)

किरात राई यायोक्खा हङकङको उदेश्य प्राप्तगर्न, किरात राईहरुको ब्याक्तिव बिकाश गर्न, जन सहभागिता सृजना गर्न, सृजनशील युवा निमार्ण गर्न, जिवनपयोगि प्रशिक्षण गराउन, किरात धर्म संस्कार संस्कृती प्रती युवा चेतनाको बिकाश आदी गर्न विविध कार्यक्रम बनाईने छ । कार्यक्रमलाई मासिक रुपमा बिभाजन गरि बार्षिक कार्यक्रम (क्यालेण्डर) तयार गरिने छ । यसलाई कार्य समितिको बैठकमा अनुमोदन गरि लागु गरिने छ ।

1. अप्रिल (चैत्र) – पदस्थापन/ विभाग प्रशिक्षण

किरात राई यायोक्खा हङकङको अधिवेशन पश्चात सल्लाहकारहरुको नियुक्ति, विभाग प्रमुखहरुको नियुक्ति, मुल संयोजकहरुको नियुक्ति पश्चात एक कार्यक्रम गरि नवनियुक्त पदाधिकारीहरुलाई पदस्थापन, पुरानो कार्यसमितिबाट बुझबुझारत र बिदाई गरिनेछ । यसलाई पदस्थापन, बुझबुझारथ तथा बिदाई कार्यक्रम भनिने छ । अन्य बर्षहरुमा यस महिना विभाग तथा कार्यसमितिलाई प्रशिक्षण कार्यक्रमहरु गरिने छ ।

बैठक 1 : 05/04/20 (पदस्थापन, अडिटर नियुक्ति, उभौली तयारी)

2. मे (बैशाख) – चुलापुजा, उभौली, स्मारिका प्रकाशन

यो महिना देखि बाली नाली लगाउने समय सुरुवात भएकोले सम्पुर्ण मानव जगतको बाली नाली सप्रियोस, सबैलाई शुभेफापे होस  भनि भुमेपुजा गर्ने चलन छ । भुमेपुजा बैशाखे पुर्णे (बुद्ध जयन्ति) को दिन गरिने छ ।

बैशाखे पुर्णे: 07/05/20, Thu
चुलापुजाः 09/05/20, Sat
साकेला उभौलीः 10/05/20, Sun

3. जुन (जेष्ठ/अषाढ) – अन्तरक्रिया/सेमिनार

यस महिनामा किरात राईहरुको बौदिक बिकाश हुने, ब्यक्तित्व बिकाश हुने बिभिन्न संस्कार सम्बन्धि अन्तरक्रिया /सेमिनार/वर्कशप कार्यक्रमहरु गरिने छ ।

बैठकः 07/06/20 (अन्तरक्रिया तयारी)
अन्तरक्रियाः 21/06/20, Sun

साम्पाङ बैठकः 14/06/20, Sun
साम्पाङ भेटघाटः 28/06/20, Sun

4. जुलाई (श्रावण) –  बाल/महिला/प्रौढ कार्यक्रम

किरात राईहरुले हरेक वर्षको श्रावण महिनाको पहिलो दिन भैसीं वा राँगा काटेर खाने चाडलाई साउने संक्रातिको रुपमा मनाउदै आएको पाईन्छ । यस दिन बाल फ्रतियोगिता, महिला कार्यक्रम, जेष्ठ नागरिक सम्मान कार्यत्रमहरु ल्याईने छ । किराया हङकङले २०१५ देखी साउने संक्राति मनाउदै आईरहेको छ । यस कार्यक्रमको संयोजक बाल, महिला, प्रौढ तथा अतिथि विभाग रहने छ ।

बैठक 3 : 05/07/20 (साउने संक्राती तयारी)
साउने संक्राति: 16/07/20, Thu
बालबालीका, महिला, प्रौढ दिवस : 19/07/20, Sun

5. अगस्ट (श्रावण) – संगित/ डकुमेन्ट्रि प्रदर्शन

जुन महिनामा कार्यक्रम गरिने छ । अन्य बर्षहरुमा  डकुमेन्ट्रि शो, फ्ल्मि प्रर्दशनी कार्यक्रमहरु ल्याइनेछ ।

गाईजात्राः 04/08/20, Tue
यलम्वर साँझ:  09/08/20, Sun

6. सेप्टेम्बर (भाद्र/असोज) – तयमा खियमा/न्वागी

भाद्र महिनाको हरितालिका तिजको दिन वा अघि वा पछि कुनै एक दिन तयमा खियमा दिवस र असोज महिनाको सुरु प्रतिपदाको दिन देखि अन्तिम प्रतिपदाको दिन १६ दिनभित्र न्वागी पुजा गरिन्छ । तयमा खियमा दिवस चाम्लिङ खाम्बातिमले र न्वगी पुजा साम्पाङ जुम्लेखाले आयोजना गर्ने भनि १४ अक्टुबर २०१८ को सामुहिक बैठकले निर्णय गरेको छ । यसलाई सबै भाषिक संस्थाहरुले मान्यता प्रदान गरेको छ ।

बैठक 5 : 23/08/20, Sun (धनुबाण संयोजक नियुक्ति, भेन्यु बुकिङ)
हरितालिका : 21/08/20, Fri
तयमा खियमा दिवसः 23/08/20, Sun
सुरु प्रतिपदा : 18/09/20, Fri
न्वगी पुजाः 20/09/20, Sun

7. अक्टुबर (असोज) – खेल्कुद

यस महिनामा किरात राई युवा, युवतीहरुलाई गोलबन्द गराई किरात राई यायोक्खा भित्र समेट्न  खेल्कुद कार्यक्रमहरु ल्याइनेछ । यस कार्यक्रमका संयोजक युवा खेल्कुद संगित तथा साहित्य विभाग रहने छ ।

दशैःं 26/10/20, Mon
खेल्कुद प्रतियोगिताः 25/10/20, Sun

8. नोभेम्बर (कार्तिक) – देउसेभैलो/ आर्थिक कार्यक्रम

भाषिक संस्थाहरुले छुट्टा छुट्टै मनाई रहेको देउसेभैलो चाडलाई ११ जुन २०१७ मा भाषिक संस्थाहरुसंग संयुक्त बैठक बसि अब उप्रान्त संयुक्त रुपमा एकै दिन एकै ठाँउ मनाउने निर्णय भएको छ । देउसेभैलो कार्यक्रम कार्तिक महिनाको लक्ष्मिपुजाको अगाडी वा पछाडीको आईतबार आयोजना गरिने छ । यस कार्यक्रमको संयोजक सम्पती तथा कोष–अभिबृद्वि विभाग रहने छ ।

बैठक 6 : 01/11/20, Sun (देउसेभैलो तयारी, उधौली बुकिङ )
लक्ष्मि पुजाः 14/11/20, Sat
भाई टिकाः 16/11/20, Tue
देउसे भैलोः 15/11/20, Sun

9. डिसेम्बर (मंसिर) – चुलापुजा, साकेला (उधौली)

यो महिना देखि बाली नाली बाली पाकि थन्क्याउने समय सुरुवात भएकोले सम्पुर्ण मानव जगतको बाली नालीको सह रहोस, धनिमानि होस भनि चुलापुजा गर्दै पित्रीहरुसंग बल माग्दै साकेला उधौली नाचिन्छ ।

बैठक 7 : 22/11/20 (साकेला उधौली कार्य बाँडफाँड)
मंसिरे पुर्णेः 30/11/20, Mon
चुलापुजाः 05/12/20, Sat
साकेला उधौलीः 06/12/20, Sun

10. जनवरी (माघ) – येलेदुङ/ माघेसंक्राती/ स्थापना

यस महिना यलेदुङ, माघे सक्राती, किरात राई स्थापना दिवस, एकै महिना परेको हुनाले ३ वटै कार्यक्रम गर्न “किरात राई सांस्कृतिक मेला ” भनि कार्यक्रम आयोजना गरिने छ ।

बैठक 8 : 03/01/21 (संस्कृतिक मेला कार्य बाँडफाँड, सांगितिक कार्यक्रम संयोजक नियुक्ति)
साम्पाङ भेटघाटः 10/01/21, Sun
माघे सक्राती : 14/01/21, Thu
संस्कृतिक मेलाः 17/01/21, Sun

11. फेब्रुअरी (माघ/फाल्गुन) – भाषा/ साहित्य/ तालिम

यस महिना भाषिक संस्थाहरु संग मिलेर किरात राईहरुलाई भाषा तालिम, शिली तालिम, आदि विभन्नि संस्कृति सम्बन्धि तालिमहरु गराईने छ । कार्यक्रमको संयोजक शिलि संकलन तथा संस्कृतिक विभाग रहने छ ।

बैठक 2: 07/02/21, Sun (तालिम तयारी तथा कार्य बाँडफाँड)
तालिम : 21/02/21, Sun

12. मार्च (फाल्गुन) – साधारणसभा/अधिवेशन

साधारण सभा वा अधिवेशन गरिने छ । बार्षिक साधारणसभामा नियमावलीहरु संसोधन गरिने छ भने अधिवेशनमा बिधान संसोधन तथा कार्यसमिति परिवर्तन गरिने छ ।

बैठक 9 : 07/03/21, Sun (अधिवेशन तयारी, उभौली बुकिङ, स्मारिका समिति)
अधिवेशन : 21/03/21, Sun