कोष नियमावली (२)

किराया हङकङको बिधानको परिच्छेद (६) को धारा १(क,ख, ग) मा निम्न कोष उल्लेख भएको छ ।

१. साधारण कोष

बिधानको परिच्छेद (६) धारा १(क) मा साधारण सदस्यताबाट तथा विविध कार्यक्रमहरुबाट संकलन भएको रकम साधारण कोष अन्तरगत पर्दछ । जुन दैनिक कार्य सचालनका निमित्त खर्च गर्न सकिने छ । देहायबमोजिम श्रोतहरुबाट प्राप्त हुने नगद वा जिन्सी यस संस्थाको साधारण कोष मानिनेछ भनिएको छ ।

१. साधारण सदस्यता वितरणबाट प्राप्त हुने शुल्क ।
२. साधारण सदस्य नवीकरणबाट प्राप्त हुने शुल्क ।
३. पदाधिकारीहरुबाट संकलन हुने मासिक शुल्क ।
४. विविध कार्यक्रमहरुबाट संकलन भएको रकम ।
५. यस संस्थाबाट निर्मित तथा प्रकाशित विभिन्न सामाग्रीहरुको बिक्रीबाट प्राप्त हुने रकम ।
६. यस संस्थालाई विविध किसिमले प्राप्त भएको चन्दा, पुरस्कार तथा सहयोग रकम ।

२. विशेषकोष

बिधानको परिच्छेद (६) धारा १ (ख) मा विशेष प्रयोजन लागि भनेर संकलन गरेको सहयोग रकम जुन दैनिक कार्य सचालनका निमित्त प्रयोग नगरि जे का लागि संकलन गरेको हो सोही प्रयोजनको लागि मात्र खर्च गर्न सकिने छ भनिएको छ । यसैको आधारमा निम्न २ वटा बिशेषकोष कोष निर्माण गरिएको छ ।

क. आपतकालिन सहयोग बिशेषकोष
किरात राईहरुलाई आपतकालिन सहयोग पर्दा सहयोग गर्न उठाईने सहयोग रकम यसकोषमा रहने छ । जति रकम उठाईन्छ सबै रकम सोहि प्रयोजनमा खर्च गरिन्छ ।

ख. सुप्तुलुङ निर्माण बिशेषकोष
सुप्तुलुङ निर्माणमा सहयोगगर्ने दाताहरुको सहयोग रकमको ७५ प्रतिशत सुप्तुलुङ निर्माण बिशेष कोषमा राखिने छ । जुन सुप्तुलुङको निर्माण योजनामा खर्च गरिने छ । २५ प्रतिशत सुप्तुलुङ र्ममत अक्षयकोषमा राखिने छ ।

३. अक्षयकोष

बिधानको परिच्छेद (६) धारा १( ग) मा अक्षयकोष भनि निर्माण गरिएको कोष यस संस्थाको अक्षयकोष मानिनेछ जुन कोषको मुलधन खर्च गर्न पाइने छैन । यस बाट प्राप्त ब्याज मात्र जे प्रयोजनको लागि निर्माण गरिएको छ सोही प्रयोजनको लागि मात्र खर्च गर्न सकिने छ भनिएको छ । यसैको आधारमा निम्न ५ वटा अक्षयकोष निर्माण गरिएको छ ।

क. सुप्तुलुङ र्ममत अक्षयकोष

सुप्तुलुङ निर्माण सहयोगगर्ने दाताहरुको सहयोग रकमको २५ प्रतिशत सुप्तुलुङ र्ममत अक्षयकोषमा रहने छ । यस्को मुलधन खर्च गर्न पाईने छैन । यसबाट आउने ब्याज मात्र सुप्तुलुङ र्ममतमा खर्च गरिने छ ।

ख. आजिवन/संरक्षक अक्षयकोष

आजिवन तथा संरक्षक सदस्यता वितरणबाट प्राप्त हुने शुल्क यस संस्थाको आजिवन तथा संरक्षक अक्षयकोष मानिनेछ । यस्को मुलधन खर्च गर्न पाईने छैन । यसबाट आउने ब्याज मात्र किरात राई यायोक्खा हङकङको दैनिक कार्य संचालन गर्न खर्च गरिने छ ।

ग. किराया सहयोग अक्षयकोष

आपतकालिन सहयोग अक्षयकोष भनि उठाएको रकम यस कोषमा रहनेछ । यस्को मुलधन खर्च गर्न पाईने छैन । किरात राईहरुलाई आपतकालिन स्थिति आउँदा यसकोषको ब्याजबाट सहयोग गरिनेछ ।

घ. नामवाली स्मृती अक्षयकोष
कसैको स्मृती स्वरुप नाउमा एकमुष्ठ रकम जम्मा राखि के का लागि अक्षयकोष निर्माण गरिएको हो नियमावली बनाइ राखिएको कोषलाई नामवाली स्मृतीकोष मानिनेछ । यस्को मुलधन खर्च गर्न पाईने छैन । यसबाट आउने ब्याज मात्र स्मृतीकोषमा उल्लेख नियमावली भित्र रही खर्च गर्न पाईनेछ ।

ङ. नामवाली पुरस्कार अक्षयकोष
कुनै क्षेत्रमा पुरस्कार दिन कसैको नाउमा एकमुष्ठ रकम जम्मा गरि अक्षयकोष निर्माण गरेमा त्यो कोषलाई नामवाली पुरस्कार अक्षयकोष मानिनेछ । यस्को मुलधन खर्च गर्न पाईने छैन । यसबाट आउने ब्याज मात्र सो क्षेत्रमा पुरस्कार दिईने छ ।

४. खाताहरु

बिभिन्न आर्थिक गतिविधिहरुको रेर्कड राख्न निम्न खाताहरु राखिने छ ।

(क) दैनिक आयब्याय खाता

कार्य समितिको दैनिक आर्थिक कृयाकलापलाई दुरुस्त राख्न दैनिक खाता राखिनेछ। यस खाताको दुरुस्त कोषाध्यक्षले गर्नेछ । हरेक कार्य समितिको बैठकमा दैनिक आयब्याय खाता अनुमोदन गरिने छ ।

(ख) नाफा/नोक्सान खाता र वासलात

दैनिक आय/ब्याय खाताको आधारमा आर्थिक बर्षको अन्तिममा नाफा/नोक्सान खाता र वासलात तयार गरिनेछ । यस खाता तयार बनाउने जिम्मा कोषाध्यक्ष वा लेखा परिक्षकको रहनेछ । नाफा/नोक्सान खाता र वासलात साधारण सभा वा अधिबेशनले अनुमोद गर्नेछ ।

(ग) सम्पती तथा जिन्सी खाता

किरात राई यायोक्खा हङकङको सम्पती तथा जिन्सीहरुको बिबरण राख्न सम्पति तथा जिन्सी खाता राखिनेछ । यस खाताको दुरुस्त सहकोषाध्यक्षले गर्नेछ ।

(घ) लेखा परीक्षण खाता

संस्थाको आय–व्ययलाई पारदर्शी एवं व्यवस्थित ढंगले परिचालन गर्नका लागि हरेक वर्ष मान्यता प्राप्त निकायबाट  लेखा परीक्षण गरिने छ । यो खाता कोषाध्यक्षले सुरक्षित राख्नु पर्नेछ ।

डाउनलोड :

दैनिक आयब्याय खाता एमएसवर्ड
सम्पती तथा जिन्सी खाता एमएसवर्ड
नाफा/नोक्सान खाता र वासलात पिडिएफ
लेखा परीक्षण खाता पिडिएफ
खर्च/आम्दानीका शिर्षकहरु एमएसवर्ड पिडिएफ
इनभोइस एमएसवर्ड पिडिएफ

(समाप्त)