बैठक नियमावली (१)

बैठक नियमावली (१)

१६ मार्च १४ (अनुमोदन), १ अप्रिल २०१८ (संसोधन)

परिच्छेद १

प्रस्तावनाः

किरात राई यायोक्खा हङकङको बैठकलाई ब्यवस्थित संचालन गर्न बैठक नियमावलीको आवश्यक्ता परेको हुनाले यो बैठक नियमावली (१) लेखन गरिएको छ। यो बैठक नियमावली किराया हङकङको बैठकले अनुमोदन गरे पछि लागु हुनेछ। कार्य समितिको बैठकले यस नियमावलीलाई फेर बदल गर्न सक्नेछ तर साधारण सभामा लगि अनुमोदन गर्नु पर्नेछ।

१. गणपुरक संख्या

बैठकमा माथि धारा १ मा रहेका सबै परिषद सदस्यहरुलाई उपस्थितको लागि निमन्त्रणा गरिने छ। तर उपस्थित भए पनि गणपुरक संख्यामा गणना गरिने छैन। गण पुरक संख्या पुग्न किराया विधानको परिच्छेद (५) धारा १ अनुसार कूल कार्यसमिति पदाधिकारीहरु मध्ये ५१ प्रतिशत भन्दा माथिको उपस्थितिलाई मात्र बैठकको गणपूरक संख्या मानिनेछ।

२. बैठक आचार संहिता

बैठक आचार संहिता निम्न रहनेछ।

  1. तोकिएको समयमा बैठकमा उपस्थित हुनुपर्ने छ ।
  2. बैठकभरी मोबाइल साइलेन्टमा राख्नुपर्नेछ ।
  3. बैठक बाहीर जानुछ भने अध्यक्षसंग आज्ञा मागेर जानुपर्नेछ ।
  4. बैठकमा एजेन्डा बाहेकका कुराहरुमा छलफल गर्न पाईने छैन ।
  5. बैठकमा अरुको कुरा काट्न पाईने छैन । आफ्नो पालो अनुसार बोल्नु पर्नेछ ।
  6. बैठकमा कुराहरु दोहोऱ्याउन पाउने छैन । समर्थन/बिमती दिए पुग्नेछ ।
  7. बैठकमा समर्थन जनाउन तालि बजाउनु पर्नेछ ।
  8. बैठकमा बिमति जनाउन हात उठाउनु पर्नेछ ।
  9. बैठकमा गाली गलौज, अपशब्द तथा अभद्र बोली प्रयोग गर्न पाईने छैन ।
  10. अनावश्यक कुरा गरेमा अध्यक्षले सभाबाट निष्काशन गर्न सक्नेछ ।
  11. बैठक पश्चात सचिवले निर्णय पढेर सुनाउनु पर्नेछ ।
  12. सचिवले ७ दिन भित्र लिखित निर्णय कार्यसमिति संजालमा राख्नु पर्नेछ ।
  13. बैठकको समापन घोषणा नभई बैठकबाट निस्कन पाईनेछैन ।
  14. निर्णय भएका गोप्य कुराहरु सर्वजानिक गर्न पाईने छैन ।
  15. आचार संहिता पालना नगरे बहुमतले समितिबाट निष्काशन गर्न सक्नेछ ।

परिच्छेद २

१. बैठकको सुचना

बैठकको सुचना ७ दिन अगावै दिन पर्नेछ। किराया हङकङले बैठकको सुचना संप्रेशन गर्न “किराया कार्यसमिति” वाट्सएप समुह निर्माण गरिनेछ। यसको एडमिन सचिव रहने छ। यस संजालमा राखेको सुचनालाई आधिकारिक मानिने छ। संजालमा निम्न परिषद, समिति तथा पदाधिकारीहरु रहनेछ। कार्यकाल सके पछि सचिवले नव सचिवलाई एडमिन बनाउनु पर्नेछ।

  1. संरक्षकहरु
  2. कुलपति
  3. सल्लाहकारहरु
  4. भाषिक अध्यक्षहरु
  5. विभाग संयोजकहरु
  6. विभागीय समिति सदस्यज्युहरु
  7. कार्यसमिति पदाधिकारीहरु

२. बैठक निमन्त्रणाको नमुना

श्रीमान संरक्षकज्युहरु, कुलपतिज्यु, सल्लाहकारज्युहरु, भाषिक अध्यक्षज्युहरु, विभागिय संयोजकज्युहरु, विभागीय समिति सदस्यज्युहरु तथा कार्यसमितिका पदाधिकारीज्युहरु,

बिषयः उपस्थितिको लागि हार्दिक अनुरोध।

किरात राई यायोक्खा हङकङको निम्न मिति, समय र स्थानमा बैठक बस्न लागि रहेको जानकारी गराउदै उपस्थितिको लागि हार्दिक अनुरोध गर्दछौं।

छलफलका सुचीहरुः

  1. _________
  2. _________
  3. _________

बैठकः

  1. मितिः _______
  2. समयः दिउँसो ३.०० बजे
  3. स्थानः सुप्तुलुङखीम

३. बैठक आशन बर्गियताक्रम :

बैठक आशन बर्गियताक्रम निम्न अनुसार रहनेछ।

  1. बैठकको अध्यक्ष
  2. विशिष्ट ब्यक्तिहरु
    1. कुलपति
    2. प्रमुख संरक्षक
    3. प्रमुख सल्लाहकार
  3. विशेष ब्यक्तित्वहरु
    1. संरक्षकहरु
    2. सल्लाहकारहरु
    3. सह अध्यक्ष
    4. उपाध्यक्षहरु
    5. विभाग संयोजकहरु
    6. कार्यसमिति पदाधिकारीहरु

४. संस्था आशन बर्गियताक्रम :

किराया हङकङले गर्ने विभिन्न सर्वजानिक कायक्रमहरुमा संघ संस्थाको आशन वर्गियताक्रम निम्न अनुसार रहने छ।

  1. Chairman: किराया अध्यक्ष
  2. Chief Guest : अध्यक्ष किराया नेपाल वा आदिबासी जनजाति महासंघ हङकङ
  3. Specific Guest: विशिष्ट अतिथि संस्थाहरु (किरात संस्थाहरु)
    1. किरात याक्थुम चुम्लुङ हङकङ
    2. किरात सुनुवार सेवा समाज हङकङ
    3. किरात याक्खा छुम्मा हङकङ
  4. Specific Personalities: विशिष्ट ब्याक्तित्वहरु
    1. कुलपति
    2. प्रमुख संरक्षक
    3. प्रमुख सल्लाहकार
  5. Special Guest: बिशेष अतिथि संस्थाहरु (नेपाल प्रतिनिधि संस्थाहरु)
    1. नेपाली महासंघ हङकङ
    2. गैर आवासिय नेपाली संघ हङकङ
    3. नेपाल च्याम्बर अफ कर्मश हङकङ
  6. Special Personalities: बिशेष ब्यक्तित्वहरु
    1. संरक्षकहरु
    2. सल्लाहकारहरु
    3. भाषिक अध्यक्षहरु
      1. किरात राई चाम्लिङ खाम्बातिम हङकङ
      2. दुमि किरात राई फन्सिकिम
      3. किरात साम्पाङ राई जुम्लेखा
      4. किरात राई बान्तावा खिम
      5. किरात राई पुमा तुप्खाबाङखाला
      6. किरात थुलुङ सामा
      7. किरात सोदेल कोयु/कोयी कि
      8. किरात बाहिङ मुलुखिम
    4. किरात राई अध्यक्ष भएका क्षेत्रिय संघसंस्थाहरु ।
      1. खोटाङ समाज हङकङ
      2. भोजपुर समाज हङकङ
      3. हङकङ तरहरा मंच
      4. धरान १७ समाज हङकङ
      5. फियोना हङकङ
      6. इलाम समाज हङकङ
  7. General Guest: आदिवासी जनजाती महासंघ हङकङका सदस्य संस्थाहरु
    1. तमु ट्योहुल हङकङ
    2. मगर समाज हङकङ
    3. तामाङ घेदुङ हङकङ
    4. शेर्पा समाज हङकङ
    5. नेवार समाज हङकङ
    6. थकाली समाज हङकङ
    7. दुरा समाज हङकङ
  8. Media:
    1. बगैचा संचार हङकङ
    2. नेपाल खबर डट कम हङकङ
    3. साप्ताहिक ईकान्तिपुर डटकम हङकङ
    4. एभरेष्ट मेडिया, हङकङ
    5. ज्याप फोटो स्टुडियो, हङकङ

५. बैठक संचालनको रुपरेखा

  1. आशन
  2. बैठक सुरुवात :
    1. कोरम पुगेको बारे जानकारी
    2. बैठक आचार संहिता (आवश्यक भएमा)
  3. जानकारी :
    1. पत्र आएको/गएको बारे जानकारी –  सचिव
    2. दैनिक आय/ब्याय खाता जानकारी – कोषाध्यक्ष
  4. प्रस्ताव बाचन :
    1. प्रस्तावकको नाम सहित – सचिव
    2. अन्य प्रस्ताव भए सोको माग – फ्लोरबाट
    3. आँउदो कार्यक्रमबारे तयारी कार्यसुचि प्रस्तुति
  5. छलफल : प्रस्तावारे प्रस्ट्याउने – प्रस्तावकबाट
  6. सुझावको मागगर्ने : अध्यक्षलाई छाडी आशन बर्गियताक्रम अनुसार
  7. मत प्रकट : अध्यक्षलाई छाडी कार्यसमिति बर्गियताक्रम अनुसार
  8. निर्णय : अध्यक्षबाट
  9. सभा बिर्सजन – अध्यक्षबाट
परिच्छेद ४

खातापाताहरुः

किराया हङकङमा निम्न खातापाता राखिनेछ।

१. बैठक खाता

बैठक खातामा  बैठक नं, मिति, समय, स्थान, संस्थाको नाम, अध्यक्षको नाम उल्लेख भएको हुनुपर्ने छ। तेसपछि कार्य समितिको नाम र हस्ताक्षर राख्नु पर्नेछ। बिच भागमा प्रस्ताव र प्रस्तावकको नाम लेखिनु पर्नेछ अनि निर्णय भएको कुरा लेखिनु पर्नेछ। त्यसपश्चात कार्य समिति बाहेक अन्यको उपस्थिति छ भने सो उल्लेख गर्न पर्नेछ। यस खाताको अपडेट “किराया कार्यसमिति” संजाल समुहमा गरिने छ। खाताको अद्यावधिक सचिवले गर्ने छ। बैठक खाताको नमुना निम्न रहनेछ।

१. बैठक:

  1. बैठक नं.:
  2. मिति:
  3. समय:
  4. स्थान:
  5. अध्यक्षता:

२. उपस्थितिः

  1. अध्यक्ष
  2. प्रमुख अध्यक्ष
  3. महासचिव
  4. सचिव
  5. सह सचिव
  6. कोषाध्यक्ष
  7. सहकोषाध्यक्ष
  8. सदस्यहरु

 ३. भाषिक परिषद:

  1. चाम्लिङ खाम्बातिम
  2. दुमि फन्सिकिम
  3. साम्पाङ जुम्लेखा
  4. बान्तावा खिम
  5. पुमा तुप्खाबाङखाला
  6. थुलुङ सामा
  7. कोयु/कोयी किम
  8. बाहिङ मुलुखिम

४. अन्य उपस्थितिहरुः

५. कोरम:

कूल पदाधिकारीहरु मध्ये ५१ प्रतिशत उपस्थित भै कोरम पुगेको हुनाले बैठक संचालन गर्न अध्यक्षज्युले अनुमति दिनुभयो ।

६. पत्रचार:

कुल पत्र _______ आएको र कुल पत्र _______ गएको  पत्रचार सम्बन्धि सचिवले जानकारी दिनु भयो । आवश्यक पत्रहरुलाई छलफलको लागि प्रस्तावमा लगियो ।

७. अर्थिक:

गत बैठकको मौज्दात _____________ तत्पश्चातको आम्दानी ___________ र खर्च _____________ कटाई बाँकी ब्यालेन्स ___________ रहेको कोषाध्यक्षले जानकारी दिनुभयो ।

८. प्रस्तावहरु:

  1. _________
  2. _________

९. निर्णयहरुः

  1. __________
  2. __________

१०.  बैठक समापनः

अन्य प्रस्तावहरु नभएकोले अध्यक्षले बैठक समापन गर्नु भयो।

२. उपस्थिति खाता

किरात राई यायोक्खा हङकङले गरेका बिविध कार्यक्रमहरुमा उपस्थिति खाता राखिनेछ। उपस्थितिखातामा नाम र फोन नम्बर राखिनेछ। नाम र फोन नम्बरलाई किरात राईहरुको सामूहिक संजाल (किरात राई यायोक्खा हङकङमा) अधावधिक गरिनेछ । खाताको अधावधिक सचिवले गर्नेछ ।

३. गतिविधि खाता

किरात राई यायोक्खा हङकङले गरेका बिविध कार्यक्रमहरुको बिबरण सहित गतिबिधि खातामा अभिलेख गरिनेछ। गतिबिधि खातालाई “kiratrai.org” वेभसाईडमा र “किरात राई यायोक्खा हङकङ” फेशबुक पेजमा प्रकाशन गरिने छ । खाताको अधावधिक सचिवले गर्नेछ ।

कार्यक्रमः
मितिः
समयः
स्थानः

परिच्छेद ५

१. कार्य प्रतिवेदनको नमुना

  1. तालिम, प्रकाशन बारे : भाषा, लिपि, साहित्य, बैठक, तालिम, प्रकाशन कहिले, कहाँ, कतिचोटि भए ।
  2. संस्कार बारे : गर्भ, जन्म, नौरान, पास्नी, छेवर, मगनी, बिबाह, मृत्यु संस्कार कहिले, कहाँ, कतिचोटि भए ।
  3. पुजा आरधना बारेः चुलापुजा, चुलादर्शन, चुलाग्रहण, गृहपुजा, ब्यावसायपुजा, न्वगी, तयमाखियमा दिवस कहिले, कहाँ, कतिचोटि भए ।
  4. संस्कृति बारेः उभौली, उधौली, साउने संक्रान्ति, येलेदुङ /माघे संक्रान्ति /स्थापना दिवस, सम्मान कार्यक्रम कहिले, कहाँ, कतिचोटि भए।
  5. विविध कार्यक्रम बारे : खेलकुद, यलम्बर साँझ, अन्य कार्यक्रमहरु गरेको तथा अन्य संस्थामा सहभागी कहिले, कहाँ, कतिचोटि भए ।
  6. सहयोग, शुभकामना बारे : अर्थिक सहयोग, शुभकामना कहिले, कहाँ, कतिचोटि भए ।
  7. सुप्तुलुङ खिम निर्माण बारे : सुप्तुलुङ सहयोग संकलन, सुबिधा/सेवा निर्माण कहिले, कहाँ, कतिचोटि भए।

(समाप्त)