पितृपुजा (न्वगी)

किराया हङकङको १४ अक्टुबर २०१८ का दिन भाषिक संस्थाहरुसंगको सामूहिक बैठकले किरात साम्पाङ राई जुम्लेखा हङकङले सन २०१६ देखि मनाउदै आईरहेको पितृपुजालाई किराया हङकङ लगायत सबै भाषिक संस्थाहरुले मान्यता दिई अब उप्रान्त यसैलाई सबैले पितृपुजाको दिन मानि त्यसै दिन देखि हङकङमा नया अन्नबाली चलाउने निर्णय गरेको छ । यस दिन जोकोही किरात राईहरु सुप्तुलुङखिममा गई नया अन्नबाली ग्रहण गर्न सक्नेछ भने ऐच्छिक ब्यक्तिहरु जस्ले बंशावली लिएर आउँदछ, उनिहरुको पितृहरुलाई किराया हङकङका कुबिमिहरुले सुवाँचा प्रदान गरिदिने छ । हरेक बर्ष किराया हङकङले आफ्नो बार्षिक क्यालेण्डरमा पितृपुजाको दिन निर्धारण गरि प्रकाशन गर्नेछ र यसको निरन्तर आयोजना गर्ने जिम्मा किरात साम्पाङ राई जुम्लेखा हङकङलाई प्रदान गरेको छ ।

पितृपुजा :

किरात राईहरुले बर्षमा जाडो मौसम (उधौली) लाग्ने बेला, धान, कोदो, घैया पाक्ने वेला, सयपत्री फुल फुल्ने बेला, नया अदुवा फुल्ने बेला पितृकक्ष सफा गरि नया चामलको भात (सुवाँचा), बिभिन्न मासुहरुको मिसावट (छँरिसा), नया अदुवा र नया कोदोको जाँड बनाई पितृहरुलाई दिने चलन छ । यसलाई पितृपुजा भनिन्छ । यसलाई सुवाँ हान्नु पनि भन्दछ । पितृपुजा सेप्टेम्वर महिना शुरु भएपछि गर्ने चलन छ । घरका मुख्य बुढापाखाहरुले पितृपुजा नगरिन्जेल नया अन्न खानु हुदैन भन्ने मान्यता राख्दछन । पितृपुजा गर्नु भनेको नया अन्नबाली चलाउनु हो र यसलाई न्वगी गर्नु पनि भन्दछ ।  किरात राईहरु विविध भाषी तथा विविध ठाउ अनुसार पितृपुजालाई बिभिन्न नामले पुकार्ने तथा बिभिन्न तरिकाले गर्ने चलन रहेको छ ।

को हुन किरातहरु ?

  1. सुम्निमा र पारुहाङलाई यस पृथ्बी, ब्रहमाण्ड, चराचर जगतको मुल श्रृष्टीकर्ताको रुपमा मान्ने जाती ।
  2. आफुलाई जन्म दिने पुर्वजहरुनै मानव प्राणीको श्रृष्टीकर्ता सम्झि पुर्वजहरुलाई आराधना गर्ने जाती ।
  3. प्रकृती बिना मानव जिवन सम्भव छैन भनि प्रकृतीको (पृथ्बी, आकाश, हावा, आगो र पानी) को पुजा गर्ने जाती ।
  4. बंश बिस्तार, कुटुम्व विस्तार, धर्म कर्म, पाप कर्म, धन दौलत, बिमार क्षयको मुल आधार प्रकृतीलाई मान्ने जाती ।
  5. सुकर्म गरे साधारण मृत्युभई चुलामा बस्न सकिने, कुकर्म गरे असाधारण मृत्यु भई चुलामा बस्न नसकिने भनि मान्ने जाती ।
  6. कुनै युगको सभ्यता वा राज्य वा कैलाश पर्वतको काखमा बसोबास गर्ने कुनै छलकपट नभएका निश्छल, सोझा र ईमान्दार जाती ।
  7. यलम्बर हाङको सन्तान इ.पू. १८७९ तिर नेपालमा ३२ पुस्ता सम्म किरात वंशको नामले राज्य गर्ने जाती ।

के हो चुला र मुन्धुम?

  1. हिन्दुहरुको भगवान बस्ने मन्दिर जस्तै, बौदहरुको बुद्ध बस्ने गुम्बा जस्तै, मुश्लिमहरुको अल्लाह बस्ने मस्जिद जस्तै, क्रिश्चियनहरुको मसीह बस्ने चर्च जस्तै, किरातहरुको पुर्वज बस्ने पवित्र देव स्थल हो चुला ।
  2. हिन्दुहरुको ग्रन्थ वेद जस्तै, बौदहरुको ग्रन्थ त्रिपिटक जस्तै, मुश्लिमहरुको ग्रन्थ कुरान जस्तै,  क्रिश्चियनहरुको ग्रन्थ बाईबल जस्तै, किरातहरुको कर्मकाण्ड गर्ने ग्रन्थ (विधी) हो मुन्धुम ।

चुला किन चाहिन्छ ?

  1. पिता पुर्खाहरु (पुर्वज) तथा देवी देउवतालाई राख्न ।
  2. पिता पुर्खाहरुलाई सम्झी पुजा आरधना गर्न ।
  3. दाजुभाई, दिदिबहिनी, कुल कुटुम्ब बिस्तार गर्न ।
  4. जन्म देखि मृत्यु पर्यन्तसम्मको कर्मकाण्ड गर्न ।
  5. धन दौलत, बिजय, यष, बल तथा शक्ति माग्न ।
  6. दु:ख, कष्ट तथा बिमार हटाउन शक्ति माग्न ।
  7. मृत्यु पश्चात रहन ।

सामूहिक चुला (अवधारणा) :

हङकङमा, धेरै किरात राईहरुको आफ्नो घर छैन । फ्ल्याटमा बस्नुपर्ने बाध्यता छ । हङकङमा किरात राईहरुको धार्मीक परम्परा अनुसार पुजा गर्ने आफ्नो ब्यक्तिगत चुला छैन । जस्ले गर्दा चुला पुज्न छाडिन्दै गईयो भने किरात राईहरुको धर्म, संस्कार, संस्कृती मरेर जानेछ । किरात राईहरुको अर्को पुस्ताले किरात राईहरुको संस्कार भुलेर जानेछन । संस्कार संस्कृती मरेर गयो भने पहिचान मरेर जानेछ । यसर्थ, हङकङमा किरात राईहरुले सामूहिक चुलाघर खरिद गरि सामूहिक चुलाको स्थापना गरेर किरात राईहरुको धर्म, संस्कार, संस्कृतिको जर्गेना गर्न र किरात राईहरुको पहिचानलाई पुस्ता हस्तान्तरण गर्दै लान सामूहिक चुला स्थापना गरिएको छ ।

सामुहिक चुलाको किन आवश्यक्ता ?

चुला नभए निम्न कार्यहरु गर्न असमर्थ रहने छन ।

  1. चुला नभए जन्मदेखी मृत्यु पर्यन्त सम्मको कर्मकाण्ड गर्न असमर्थ ।
  2. चुला नभए किरात धर्म–संस्कार लोपहुने अवस्थाबाट बचाउन असमर्थ ।
  3. चुला नभए कूबीमीहरुको संरक्षण तथा नव कूबीमीलाई निकाल्न असमर्थ ।
  4. चुला नभए मुन्धुमको खोज, अनुसन्धान प्रयोग तथा संरक्षण गर्न असमर्थ ।
  5. चुला नभए नया पुस्तालाई मौलिक किरात धर्म–संस्कार सिकाउन असमर्थ ।
  6. चुला नभए किरात धर्म संस्कारको अध्यन, अध्यापन, अनुसन्धान गर्न असमर्थ ।

सामूहिक चुला पुज्न कस्लाई दिने वा नदिने ?

हङकङमा सामूहिक चुलाघर खरिद गर्न अगावै सामूहिक चुला कस्लाई पुज्न दिने वा नदिने भन्ने सम्वन्धमा २१ जुलाई २०१४ को चुलाघर खरिद महासमिति हङकङको बैठकले निम्न अवधारणा अनुमोदन गरेको छ ।

किरात धर्मसंग असम्वन्धित धार्मीक सम्प्रादयहरु

१. बुद्ध धर्म, २. जैन धर्म, ३. यहुदी धर्म, ४. ईसाइ धर्म, ५. कन्फुसियस धर्म, ६. ताओ धर्म, ७. सिन्तो धर्म, ८. इस्लाम धर्म, ९. हिन्दु धर्म । यी धार्मीक सम्प्रादयहरुले चुला पुज्दैनन । उनिहरु चुला पुज्न आउदैनन् पनि र उनिहरुलाई सामूहिक चुला पुज्न दिन हुन्न भन्ने धारणा अनुमोदन गरेको छ । यी धार्मीक सम्प्रादयका ब्यक्तिहरु जो उनिहरुको धर्म छाडी किरात संस्कार अनुसार चोखो नितो भै मुन्धुम बाचन गरि किरात धर्ममा प्रवेश गरेमा सामूहिक चुला पुज्न दिईने छ ।

किरात धर्मसंग सम्बन्धित नव किरात धार्मीक सम्प्रादयहरु

१. फाल्गुनन्द/आत्मालिङदेन सम्प्रादय, २. जोसमनि सन्त सम्प्रादय, ३. सत्यहाङमा सम्प्रादय, ४. प्रभुदासी सम्प्रादय, ५. ओम नन्द सम्प्रादय, ६. स्वमी डा. प्रपन्नचार्य पन्थी सम्प्रादय । यी धार्मीक सम्प्रादयका मानिसहरुले चुला पुज्ने गर्दछ । तर चुला पुज्ने तरिका भने फरक रहेको छ । मौलिक किरात धर्म–संस्कार अनुसार चुलामा कुखुरा चढाई अथवा मासुमंसले चुला पुज्ने चलन छ । तर उपरोक्त नव किरात धार्मिक सम्प्रादयका मानिसहरुले भने मासुमंस नचढाई फलफुलले चुला पुज्ने गर्दछ । यसरी फरक भएपनि चुलानै पुज्ने भएकोले उनीहरुले चुला पुज्न आएमा ईच्छा अनुसार चुला पुज्न दिईने छ भन्ने धारणा अनुमोदन गरेको छ  ।

सामूहिक चुलामा बन्देज

सामूहिक चुला पुज्न आँउदा मौलिकतामै असर पर्ने गरि हाम्रो पुर्वज सुम्निमा, पारुहाङ, पातेसुङ, दिलिदुङ, तयमा, खियामा र खक्चिलिप्पा (हेच्चकुप्पा, रैछाकुले) जस्ता समुहिक पितृलाई चुलामा नपुजि, धार्मिक गुरुहरुको तस्विर राखि, वा धार्मीक गुरु ल्याएर, नयाँ तरिकाले भजन कृतन गरि, नयाँ तरिकाको बिधि बिधानमा चुला पुज्ने कार्य बन्देज गरिएकोछ । सामूहिक चुलाघरको धार्मीक गुरु भनेकै किराया हङकङले नियुक्त गरेको सामूहिक कुबीमी रहने छ । सामूहिक कुबीमीले निर्देशित गरेको बिधि विधानमा चुला पुज्न पर्नेछ । मात्र मासुमंस वा फलफुल चढाउनेमा स्वेच्छिक रहने छ भनि अनुमोदन गरिएकोछ ।

अनुसुचि २

पितृकक्ष :

किरात राईहरुको घरमा चुला राखेको हुन्छ । चुलाको ठिक माथि भार हुन्छ । भार भन्दा माथि भित्तापट्टि पितृकक्ष राखेको हुन्छ । पितृकक्षलाई कसैले सुँवाछेम, कसैले मछेम, कसैले मछामा भन्दछ । भाषिक राई अनुसार फरक नामले पुकारन्छि । पितृकक्षमा परापुर्वकाल देखीको पिता पुर्खाहरुको आत्मा रहेको हुन्छ भनि मानिन्छ।

सामूहिक पितृकक्ष (धारणा) :

हरेक चुलासंगै पितृकक्ष रहेका हुन्छन । सामूहिक चुला स्थापना गरेपछि ब्यक्तिगत पितृकक्ष कसरी र कहाँ राख्ने भन्ने जटिल समस्याको स्थिति सृजना भयो । किरात राईहरुको संस्कार अनुसार एउटा पितृकक्षमा एक वंशको मात्र पितृहरु रहन सक्तछन । तत्पश्चात परिस्थिति अनुरुप चुलाघर महासमिति हङकङको बैठकले समय सापेक्ष सामूहिक पितृकक्ष र प्रतिस्थापन पितृकक्षको अवधारणा निकाली पितृकक्षहरुको स्थापना गरिएको छ । जस्मा कुबिमिहरुले मुन्धुम बाचन गरि एउटै पितृकक्षलाई प्रतिस्थापन गरि अर्को पितृकक्ष निर्माण गर्ने छ ।

  1. सामुहिक चुलाको उत्तर पट्टि सबैथरी भाषिक राईहरुको छुट्टाछुट्टै भाषिक पितृकक्ष निर्माण गरिएको छ ।
  2. भाषिक पित्रीकक्षको मुनी बिच भागमा अलि ठुलो एक सामूहिक पितृकक्ष निर्माण गरिएको छ ।
  3. सामूहिक पितृकक्षको दाँया र बाँया पट्टि एकएक वटा प्रतिस्थापन पितृकक्ष निर्माण गरिएको छ ।

जस्तै चित्रमा उल्लेख भए अनुसार :

ब्याक्तिगत पितृ पुज्ने विधी :

पितृपुजा गर्ने दिन बुढापाका ब्यक्ति वा कुबिमिले पितृकक्ष सफा गरि नया केराको पात, सेउली, अदुवा र सयपत्री फुल चढाईदिनु पर्दछ । पितृपुजा गरेको दिन खन्ने, जोत्ने कामहरु केहिपनि गरिदैन ।

  1. सवैभन्दा पहिले कुबीको घरमा पितृपुजा गर्नु पर्दछ ।
  2. पितृहरुलाई खानपान गराउँदा पहिला घरभित्रको चुलामा गएको कुलपितृहरुलाई, त्यसपछि पाछाभित्रको दाजुभाईको चुलामा गएको कुलपितृहरुलाई, अन्तिममा चुलामा आउन नसक्ने कुलपितृहरुलाई दिनु पर्दछ ।
  3. चुलामा आउन नसक्ने कुलपितृहरुलाई खानपान दिदा सवै जनालाई एउटै थालमा राखि ढोका बाहिर दिन पर्दछ ।

सामूहिक पितृ पुज्ने विधी :

  1. सामूहिक पितृ पुज्दा कुबिमिले सबै भन्दा पहिले भाषिक पितृकक्षलाई पुकार्नु पर्नेछ । जस्तैः १) चाम्लिङ राई २) दुमी राई ३) साम्पाङ राई ४) बान्तावा राई ५) पुमा राई ६) थुलुङ राई ७) कोयु राई ८) बाहिङ राई ९) बाम्बुले राई १०) तिलुङ राई ११) नाछिरिङ राई १२) खालिङ राई १३) कुलुङ राई १४) लोहरुङ राई १५) बुङलावा राई १६) जेरुङ राई १७) छिन्ताङ राई १८) छिलिङ राई १९) फाङदुवाली राई २०) मेवाहाङ राई २१) पोहिङ राई २२) बेलहारे राई २३) याम्फु राई २४) मुगाली राई २५) आठपहरिया राई २६) दुङमाली राई २७) सोताङ राई २८) लिङखिम राई आदि ।
  2. तत्पश्चात सामूहिक पितृकक्षमा सामूहिक पितृहरुलाई पुकार्नु पर्नेछ । जस्तैः १) रैछाकुले (हेच्चकुप्पा, खक्चीलुप्पा), २) पातेसुङ, दिलिदुङ, ३) नागरिता, ४) यारिता, ५) नारिता, ६) नागेलुङमे, ७) लारिहाप्पा, ८) लारिहा, ९) मतेसुङ, १०) राई, ११) हर्कबुङ, १२) साल्पा, १३) किरातुईवा, १४) हँछा, १५) पारुहाङ, सुम्निमा आदि ।
  3. अन्तमा प्रतिस्थापन पितृकक्षमा जस्को पितृ पुज्न पर्ने हो उस्को पितृहरुको नामावली प्रतिस्थापन गरि पुज्न पर्नेछ ।
  4. ब्यक्तिगत पितृ पुजी सके पश्चात प्रतिस्थापन पितृकक्षलाई सफा गरि राख्नु पर्नेछ ।

कुबिमिहरुलाई सुवाँचाः

पितृहरुलाई सुवाँचा प्रदान गर्दा जुन खोलानालाका कुबिमिले पितृ पुज्दैछन सोही खोलानालाका मृत्यु भएका कुबिमिहरुलाई समेत सुवाँचा दिने चलन छ । जस्तैः साम्पाङ खोलानालाका कुबिमिहरु (१) राजकुमार तोमिहँ (२) धानबिरे तोरिहँ (३) मेखमणि तोरिहँ (४) हर्कगंज तोरिहँ (५) नहकुल तोरिहँ (६) धनप्रसाद तोरिहँ (७) जसबहादुर तोरिहँ (८) रहरमनी तोरिहँ (९) हजारमान तोमिहँ (१०) पुर्णे तोमिहँ (११) मन्जना सामरुङ्जे (१२) भिमलसिं दामरेवा (१३) लिलाबहादुर दामरेवा (१४) पंचबहादुर दामरेवा (१५) रामकृष्ण दामरेवा (१६) हस्तामान छभाया (१७) चन्द्रमान छभाया (१८) खरुधोज रदुखु (१९) पदमबहादुर रदुखु (२०) रत्नधन तोरिहँ आदि । (श्रोत : किरात साम्पाङ राई मुन्धुम)

पितृपुजा समापन विधी :

सबैलाई सुवाँचा दिई सके पश्चात त्याहाँ राखिएको चामल, भात र छँरिसाहरु उठाएर सुङरिमि साप्सामी पुर्काने कार्य गर्दछ ।

  1. घरको घरमुली र घरमुलीनीले भाले र पोथि पक्रि कुबिमिको दाँया र बाँया तिर बस्नुपर्ने छ । घर मुली तथा घर मुलीनी नभए कसै बुढापाका ब्यक्तिले समाए हुन्छ ।
  2. त्यसपछि कुबिमिले भाले पोथीकोको शिरमा अक्षता र अदुवा चढाई रक्सिले खन्याएर पर्छाउन लाउनु पर्दछ ।
  3. भाले र पोथीले १ चोटि पर्छेपछि भाले र पोथी बोक्नेले साटासाट गर्नु पर्दछ र पुन पर्छाउनु लाउनु पर्दछ ।
  4. भाले र पोथीले ३ चोटि पर्छिए पछि चुलामा चढाउनु पर्दछ । चुलामा चढाउदा सुवाँतिर फर्केर मरेमा राम्रो हुने मानिन्छ ।
  5. तेस पछि कुखुराको मासु पोली मन्साउनु पर्दछ ।

ब्यक्तिगत स्वतन्त्रताः

हङकङमा बस्ने किरात राईहरुलाई सामुहिक चुलामा ब्यक्तिगत पितृ पु्ज्ने वा नपुज्ने स्वतन्तत्रता रहने छ । यधपि सामूहिक चुलाको स्थापना गरिसके पश्चात सामुहिक चुलामा ब्यक्तिगत पितृ पुजौं भन्ने अनुरोध रहेकोछ । सामुहिक पितृकक्षमा कुबिमिले पितृहरुसंग माफि माग्दै, पितृहरुलाई परिस्थितिको जानकारी गराउदै, एकछिन आफ्नै पितृकक्ष सम्झि, संस्कार र विधिलाई परिवर्तन नगरी , पितृहरुलाई स्मरण गर्दै, खानपान गराउदै आर्शिबाद माग्दा पितृहरु खुशिनै हुनुहुन्छ । पितृ पुज्दा सामूहिक चुला प्रयोग नगरे पनि उधौली लागे पश्चात फ्ल्याटमै भएपनि बंशावली राखि ३ वटा बत्ति बालेर (चुला सम्झी), नया खानपान राखि पितृहरुलाई स्मरण गरि आशिर्बाद लिने संस्कारको विकाश गरौं, हामी पितृ र प्रकृती पुजक हौं भनि आफ्नो सन्ततिलाई सिकाऔं भन्ने अनुरोध गर्दछौं ।

पितृ प्रार्थनाः

लौ है दाजुभाई, नरनाता हो ।
लौ है पिता पुर्खाहरु हो ।

अब ऋतु परिवर्तन भयो । उधौली शुरु भयो । चिसो हावा चल्न शुरु भयो । हिमाल, पहाड ठण्डी हुन थाल्यो । पशुपंक्षी, माछाहरू उधो झर्न थाल्यो । गाईबस्तु गोठहरु उधो झर्न थाल्यो ।

उधौली शुरू भएछ । किरातीहरुको खुशियाली शुरू भएछ । धानका बालाहरू झुल्न थालेछ, झुलेको बाला बज्न थालेछ । पशु पंक्षीहरू नाच्दै, गाउँदै, रमाउदै, खान थालेछ । दाज्युभाई, नरनाता, छोरिचेली, कुलकुटुम्बहरूसंग भेटघाट गर्ने बेला भएछ ।

घरको मुल चुल्होमा आगो बालेका छौं । पुर्खाहरूसंग आर्शिवाद लिन बसेका छौं । रैछाकुले, तयमा, खियमा पुर्खाहरुलाई सम्झेका छौं । जीवन निरन्तरताको निम्ति पित्री र प्रकृतीलाई पुकारा गरेकाछौं ।

पाकेको अन्नबाली खेर नजावस । सडेर, गलेर, कुहेर नजावस । मानव, पशु पंक्षी, जनवार, माछा, बोट बिरूवाहरू मासिएर नजावस । रोग ब्याथा नलागोस । कष्टकर जीवन कसैले भोग्न नपरोस । अन्नबालीले खान पुगोस । आवश्याकता परेकाहरूलाई दिन पुगोस ।

हाम्रो शाखा सन्तानहरूलाई सुब्बे फाब्बे होस । अन्नको धनी, पैसाको धनी होस । अन्नको सह सदा बनी रहोस । शाखा सन्तान फैलिएर जावोस । मान सम्मान बढेर जावोस । आयु बढेर जावस । शिर सदा उच्च रहोस ।

जय सुम्निमा पारुहाङ ।

अनुसुचि ३

आवश्यक सामाग्रीहरु :

पितृ पुज्दा थान थपनाको लागि निम्न सामाग्रीहरु तयार पार्नु पर्दछ ।

  1. सेउली, केराको पात, दुवो र सयपत्रि फुल  ।
  2. धनुकाँड, भाला, खुकुरी, हसियाँ, खुर्पा आदि ।
  3. थुम्से, डालो, नाङलो, माना, पाथि, ढुङग्रो, दुना, टपरा ।
  4. कासको थाल, चोखो अदुवा, धुप, दियो बत्ति, कलश ।
  5. नया अन्नहरु धान, मकै, कोदो, घैया, कागुनी आदि ।
  6. नया जाँडले भरेको चिण्डो (नया कोदो र मर्चाको मिसावट) ।
  7. नया चामलको भात (सूवाँचा)
  8. बिभिन्न मासुहरुको मिसावट (छँरिसा)
  9. जिउदो भाले र पोथी

मासुको मिसावट (छँरिसा) :

पहिला पितापुर्खाहरुले खाँदै ल्याएका बिभिन्न मासुहरुको मिसावट उसिनेर पकाउनु पर्दछ । सबै मासुहरुको मिसावट ल्याउन नसकेपनि जति सकिन्छ तेति ल्याई मिसाई पकाउनु पर्दछ ।

१) कुखुराको मासु, २) कालीजको मासु, ३) फिस्टाको मासु, ४) डाफेको मासु, ५) मुनालको मासु, ६) बदेलको मासु, ७) चौंरीको मासु, ८) अरनाको मासु, ९) गाईको मासु, १०) गोरुको मासु, ११) मृगको मासु, १२) घोरलको मासु, १३) थारको मासु, १४) पाहाको मासु, १५) सर्पको मासु, १६) माछाको मासु, १७) बच्छिउको मासु, १८) अरिङगलको मासु

थान सजाउने तरिका :

  1. अलिकति नया चामलको भात पकाउने ।
  2. सवै खाले मासुको मिसावटहरु उसिनेर पकाउने ।
  3. पित्रीकक्षको तल हात हतियार ठड्याएर राख्ने ।
  4. बोट सहितको अदुवा पनि ठड्याएर राख्ने ।
  5. एउटा नाङलोमा केराको पात ओछ्याएर चामल र नया अदुवा राख्ने ।
  6. दाया बाया टपरामा नया चामलको भात र मासुको मिसावट राख्ने ।
  7. अगेना खन्याउन एक कठुवामा जाँड र एकपावा कठुवामा रक्सि राख्ने ।

अनुसुचि ४

हार्दिक आमंत्रण :

सदा बर्षझैं यस बर्ष पनि निम्न मिति समय र स्थानमा पितृपुजा आयोजना गर्न लागि रहेको जानकारी गराउदै कार्यक्रममा आई नया अन्नबाली (न्वगी) ग्रहण गरि दिनहुन हार्दिक अनुरोध गर्दछौं । यदि हजुरले पनि वा हजुरको समाजको सदस्यहरु वा दाजुभाईहरुले पनि आफ्नो पितृहरुलाई सुवाँचा दिने ईच्छा भए पितृहरुको नामावली (वंशावली) सहित बालबच्चा परिवार लिएर आई दिनहुन हार्दिक अनुरोध गर्दछौं ।

खानपान मेनु :

न्वगीको लागि निम्न खानपान तयार गर्ने ।

स्टार्टर :

  1. सलाद
  2. कुखुरा/सुङगुरको भुटुवा
  3. चना/आलुदम भुटेको (भेज)

ड्रिङ्क्स :

  1. नया कोदोको जाँड
  2. बियर/ह्विस्की/वाईनहरु
  3. सफ्ट ड्रिङ्क्सहरु

मेन कोर्ष :

  1. कुखुराको/सुङगुरको तरकारी
  2. नया चामलको भात/नया कोदोको ढिँडो
  3. दाल/सब्जिको तरकारी
  4. अचारहरु

डिर्जट :

  1. फलफुलहरु
  2. चक्लेटहरु

भेटीः

वंशावली सहित पितृ पुज्न आउनेहरुलाई हङकङ डलर २०० भेटी उठाउने र आतिथ्य सहभागीहरुलाई न्वगीको लागि ऐच्छिक सहयोग अनुरोध गर्दछौं ।

RSVP:

खानपान तर्जुमाको लागि उपस्थित भैदिन हुने वा नहुने जानकारी 9207 8399 वाटस्एप वा भाईबरमा खबर गरिदिनहुन हार्दिक अनुरोध गर्दछौं ।

कार्यक्रम मिति, समय र स्थान :

मिति : १५ सेप्टेम्वर २०१९, आईतबार
समय : दिउँसो १ बजेबाट
स्थान : सुप्तुलुङ खिम
यातायात : सशुल्क बस ब्यावस्था
बस स्थान : बगैंचा अगाडि (१२ बजे)
बस सम्पर्क : ९२५४०६७९, ६१५९८६६७

कार्यक्रम तालिका :

१:०० बजे – भेला (बगैंचा अगाडी)
२:०० बजे – चुला तथा पितृकक्ष सरसफाई
३:०० बजे – औपचारिक कार्यक्रम
४:०० बजे – सामूहिक पितृहरुलाई पुकार्ने
५:०० बजे – ब्यक्तिगत पित्रीहरुलाई सुवाँचा
७:०० बजे – पुजा समापन/सरसफाई
८:०० बजे –फिर्ता

आयोजकः

किरात साम्पाङ राई जुम्लेखा हङकङ ।
सम्पर्कः
९३६३४७५० (अध्यक्ष)
९२०७८३९९ (सचिव)
९१७७२३८३ (कोषाध्यक्ष)

अनुसुचि ५

औपचारिक कार्यक्रम :

  1. आशन ग्रहण – अध्यक्ष
  2. पितृपुजाबारे जानकारी –
  3. कुबिमिहरुलाई फेटा गुथाउने
  4. मन्तब्य र भनाईहरु
  5. औपचारिक कार्यक्रम समापन
  6. पितृपुजा कार्यक्रम

कार्य बाँडफाँड :

१८ सेप्टेम्वर २०१९ का दिन किरात साम्पाङ राई जुम्लेखा हङकङको बैठकले निर्णय गरेको कार्य बाँडफाँड  ।

  1. कार्यक्रम समन्वय : (अध्यक्ष, तेज साम्पाङ)
  2. थानथपना, सुवाँ हान्ने, सुवाँचा, छँरिसा, नया जाँड तयार गर्ने : (कुबिमि, नारायण साम्पाङ /कुबिमि, मैत्र बान्तावा /संस्कार संयोजक, नन्द साम्पाङ)
  3. पोस्टर, ब्यानर, प्रचार प्रसार : (सल्लाहकार, शशि मदन साम्पाङ)
  4. निमन्त्रणा, पत्रचार, जनसम्पर्क : (सचिव, मनि राज साम्पाङ)
  5. आर्थिक ब्यावस्थापन, अर्थ संकलन : (कोषाध्यक्ष, चन्द्र कुमार साम्पाङ /आर्थिक संयोजक, धिराज साम्पाङ)
  6. खानपान तयार : (उपाध्यक्ष, गंगाराम साम्पाङ / भुपु अध्यक्ष, हरिचन्द्र साम्पाङ)
  7. खानपान बितरण : (सदस्य, रेनु साम्पाङ / तथा महिला विभाग विभाग)
  8. अतिथि हेरबिचार : (सदस्य, श्याम साम्पाङ /संस्कार संयोजक, नन्द साम्पाङ)
  9. लाईट, साउण्ड, कलाकार ब्यावस्थापन : (सहकोषाध्यक्ष, रबिचन्द्र साम्पाङ /केशव साम्पाङ)
  10. सरसफाई, ढुवानी ब्यावस्थापन : (सहसचिव, दिपक साम्पाङ /देउकुमार साम्पाङ)
  11. यातायात ब्यावस्थापन : (भुपु उपाध्यक्ष, रमेश साम्पाङ /सदस्य, कर्ण बिर साम्पाङ)
  12. फोटो ग्राफर : मनिचन्द्र साम्पाङ

शिर उठाउनी

कार्यक्रमको अन्तमा कूबीमी र कजेरीहरुको शिर उठाउनी गर्नु पर्दछ ।

अनुसुचि ६

डाउनलोड

नम्बर बिवरण पिडिएफ एमएस–वर्ड
1 न्वगी अनुसुची प्रिन्ट एडिट

न्वगीका केही झलकहरु

(समाप्त)