पदस्थापन तथा बिदाई

५ अप्रिल २०१४, किरात राई यायोक्खा, हङकङले युनलङस्थित आफ्नो चुलाघरमा बुझबुझारत, विदाई तथा पदास्थापन कार्यक्रम सम्पन्न गरेको छ । संस्थाको विदाई कार्यक्रमानुसार पुर्व पदाधिकारीहरु निकिशा राई, लोकराज राई, कमल राई, रविचन्द्र राई र लिला राईलाई संस्थागत योगदानको कदर गर्दै प्रशंशा-पत्र प्रदान गरेर विदाई गरिएको थियो भने पदास्थापनतर्फ बर्तमान कार्य समितिका पाँचजना सल्लाहकार हेजेन राई, रामली राई, किसन राई, प्रताप राई र वसन्तकुमारी राईलाई सल्लाहकार नियुक्त गरियो।

नवनियुक्त पदाधिकारीहरु मध्ये पुरुषको शीरमा फेटा र महिलाको शीरमा मजेत्रो (सल), गुथेर स्वागत, सम्मान गर्नुकासाथै पदास्थापन प्रमाण-पत्र पनि प्रदान गरिएको थियो। सो संस्थाले  पितृपूजक प्रमुख  कुबिमी (धामी) श्रेष्ट बहादुर राई र सहायक कुबिमी (धामी) नारायण प्रसाद राईलाई नियुक्त गरेकोछ। उहाँहरुलाई पनि सोही अनुसार पदास्थापन प्रमाण-पत्र प्रदान र शीरमा फेटा गुथेर सम्मन गरिएको थियो।

उक्त कार्यक्रमलाई सम्बोधन गर्ने क्रममा समितिका सल्लाहकार तथा सामुहिक चुलाघर खरीद तथा व्यवस्थापन विभागका मूल संयोजक हेजेन राईले लिपी,भषा,धर्म-संस्कार, संस्कृति,योगदान,इतिहास आदि दोस्रो पुस्ताबाट लोप हुँदै जाने खतरापति इंगित गर्दै कार्य समितिले उनीहरुका निम्ति विशेष आकर्षक,ज्ञानवर्धक र दिर्घकालिन योजना र कार्यक्रमहरु ल्याएर कार्यान्वयन गर्नु पर्ने सुझाव दिनु भयो।

आफ्नो भनाईलाई जोड्दै यी सकारात्मक र सत्य कुराहरुमा सम्पुर्ण किरात राईको आचरण र व्यवहार एकमत, एकरुप र एकबद्ध हुनुपर्छ-उहाँले भन्नु भयो। संस्थाका अध्यक्ष शशीमदन राईले किरात राईहरुको संस्कार,संस्कृतिको संस्थागत र व्यक्तिगत तबरले जगेर्ना गर्ने कार्यमा आफू सदैव प्रयत्नशील रहने प्रतिबद्धता जनाउँदै अफ्नो नेतृत्वको तात्कालिन कार्य समितिमा समितिकै पदाधिकारीको प्रमुखतामा १५ वटा विभाग गठन गरेर कार्य विभाजन गरेको जानकारी पनि दिनु भयो।

कार्यक्रमको अन्त्यमा अध्यक्ष राईले आफ्नो नेतृत्वको समितिलाई सबैको साथ/सहयोग र हौसला रहने विश्वासकासाथ उपस्थित सबैमा धन्यवाद दिंदै कार्यक्रमको समापन गर्नु भएको थियो।

bujharath

 

भेटघाट तथा देउसी भैलो कार्यक्रम

२७ अक्टोवर २०१३, किरात राई चाम्लिङ खाम्बातिम् हङकङले जोर्डन स्थित हङरी आई रेष्टुरेण्टमा वर्षनी मनाउदै आएको भेटघाट तथा देउसी भैलो कार्यक्रम भव्यताकासाथ मनाएको छ । सो कार्यक्रमको अध्यक्षता खाम्बातिम्का अध्यक्ष नरजित राईले गरेको थियो भने प्रमुख अतिथीमा किरात राई यायौक्खाको अध्यक्ष शशीमदन राई रहेको थियो । अन्य अतिथीहरुमा नेपाल फाइनान्सका डाइरेक्टर धिरज राई, चेस सोसाइटिका अध्यक्ष मोति चाम्लिङ राई, ज्येष्ठ नागरिक बयान सीं राई, त्यसतै भाषिक संस्थाबाट किरात साम्पाङ राई जुम्लेखाबाट तेज-प्रकाश) राई, किरात राई वान्तावा यायोक्लाबाट तिलक-मोहन) राई, रहेको थियो । सल्लाहकारहरु किन्दर राई, कमल राई, अधिराज राईलाई पनि आसन ग्रहण गर्राईएको थियो

संस्थाका सचिव पवित्रा राईले सञ्चालन गरेको सो कार्यक्रममा स्वागत भाषण उपाध्यक्ष पिताम्बर राईले गरेको थियो । प्रमुख अतिथी शशीमदन राईले शुभकामना मन्तव्य दिनु हुदै तिहार हामी आदिवासीहरुले पहिला देखीनै मनाउदै आएको र हामीले मनाउनु हुदैन भनेर कतै पनि नभएको भनेका थिए । समय अभावका कारण मञ्चमा आसीन अरु कसैलाई पनि मन्तव्य राख्न दिन नसकेकोमा संस्थाका तर्फाट सचिव पवित्रा राईले माफी मागेका थिए । कार्यक्रम समापन अध्यक्ष नरजित राईले गरिसकेपछि सचिव पवित्रा राईले देउसी भट्याएर रमाइलो चाडको उत्घाटन गरेका थिए ।

chamling3

जुम्लेखाको तेस्रो अधिवेशन

२९ सेप्टेम्बर २०१३, का दिन किरात साम्पाङ राई जुम्लेखाको तेस्रो अधिवेशन  मंकिहिलमा सम्पन्न भयो । खुल्लासत्रको अध्यक्षता जुम्लेखाका अध्यक्ष हरि साम्पाङ राईले गरेका थिए भने प्रमुख अतिथीमा किरात राई यायोक्खाका  अध्यक्ष शशिमदन राईले गरेका थिए र विशेष अतिथिमा कुबिमी श्रेष्ठ प्रशाद राई रहेका थिए । अन्य अतिथिहरुमा किरात राई चाम्लिङ खाम्बातिमबाट पवित्रा राई, किरात राई यायोक्लाबाट तिलक राई, किरात दुमि फन्सिकमबाट इन्द्र सीं राई, किरात राई पुमा तुप्खाबाँखलाबाट सुवास राई, मोहन राई, सल्लाहकार धिरज राई लाई आशन ग्रहण गराइएको थियो । निर्वाचन मण्डलका अध्यक्ष रजिन राई, सदस्यहरु पिताम्बर राई र विमल राईलाई पनि आशन ग्रहण गराइएको थियो ।

जुम्लेखाका सचिव नारायण प्रशाद राईले सञ्चालन गरेको खुल्लासत्रको स्वागत भाषण उपाध्यक्ष तेजबहादुर राईले गरेका थिए भने कार्यक्रम उत्घाटन अध्यक्ष र विषेश अतिथि श्रेष्ठ प्रशाद राईले पानसमा बत्ती बालेर गरेका थिए । र तेस्रो अधिवेशनमा मन्तव्य तथा शुभकामना सुवास राई, तिलक राई, इन्द्र सीं राई, पवित्रा राईले दिएका  थिए । प्रमुख अतिथिको मन्तव्य पश्चात अध्यक्षले खुल्ला सत्र समापन भएको घोषणा गरेका थिए ।

jumlekha

निवार्चन मण्डलका अध्यक्ष रजिन राई सदस्यहरु पिताम्बर राई र विमल राईले निम्न अनुसारको पदाधिकारीको निर्वाचित गरेको छन्।

१, अध्यक्ष – तेजबहादुर साम्पाङ राई
२, उपाध्यक्ष- नन्द साम्पाङ कुमार राई
३, उपाध्यक्ष – गंगाराम साम्पाङ राई
४, सचिव – नारायण प्रशाद साम्पाङ राई
५, सहसचिव – दिपक केशर साम्पाङ राई
६, कोषाध्यक्ष – मनिराज साम्पाङ राई
७. सहकोषाध्यक्ष- कुमार साम्पाङ राई

पाचौं अधिवेशन

२३ मार्च २०१३, किरात राई चाम्लिङ खाम्बातिम् हङकङको पाचौं अधिवेशन सम्पन्न भएको छ । जोर्डन स्थित नमबुद्घ क्लवमा सम्पन्न कार्यक्रमको अध्यक्षता नरजित राईले गरेको थियो भने प्रमुख अतिथीमा किरात राई यायोक्खाको अध्यक्ष शशिमदन राई रहेको थियो अन्य अतिथीहरुमा सुनुवार समाजका अध्यक्ष एल बि मुखिया, किरात साम्पाङ राई जुम्लेखका अध्यक्ष तेज-प्रकाश) राई, किरात राई बान्तावा यायोक्लाका अध्यक्ष तिलक-मोहन) राई रहेको थियो भने सस्थाका सल्लाहकारहरु हेजेन राई, किन्दर राई, जजिन राई, रजिन राई, बशन्त कुमारी राईलाई पनि आशन ग्रहण गराईएको थियो । संस्थाका उपाध्यक्ष पिताम्बर राईले स्वागत भाषण गरेको थियो भने सचिव पवित्रा राईले कार्यक्रम सञ्चालन गरेको थियो । आशन ग्रहण गरेको सम्पूर्ण अतिथी लगायत सल्लाहकारहरुले नयाँ बन्ने कार्यसमितिलाई शुभकामना दिएका थिए । पाचौं अविशेनका अध्यक्ष मण्डलद्वारा निर्वाचीत नयाँ कार्यसमितिहरु

अध्यक्ष पिताम्बर राई,
उपाध्यक्ष संजोक राई,
सचिव पवित्रा राई,
सहसचिव तारा राई,
कोषाध्यक्ष प्रेमराज राई,
सहकोषाध्यक्ष जिवनकला राई,
सदस्यहरुमा,
जिवनकुमार राई,
मनिकुमार राई,
बागबीर राई,
जित कर्ण राई,
जेनिता राई,
बबिता राई,
स्वणिर्म राई

अध्यक्ष मण्डलमा हेजेन राई, किन्दर राई र बशन्तकुमारी राई रहेको थियो ।

chamling2

देउसी भैलो कार्यक्रम

१६ नोभेम्बर २०१२, दुमी किरात राई फन्सिकीम हङकङले जोर्डन स्थित मगर संघको कार्यलयमा का दिन देउसी भैलो कार्यक्रमको आयोजना गरेको छ । त्यस कार्यक्रमको अध्यक्षता सोहि संस्थाका अध्यक्ष कमल राईले गरेको थियो भने प्रमुख अतिथीमा किरात राई यायोक्खाको अध्यक्ष शशिमदन राई रहेको थियो । अन्य अतिथीहरुमा किरात सुनुवार समाजका अध्यक्ष नरेस सुनुवार, किरात राई चाम्लिङ खाम्बातिम्का उपाध्यक्ष पिताम्बर राई, चेस सोसाइटिका अध्यक्ष मोति चाम्लिङ रहेका थिए ।

दिप ज्वलन गरि शशिमदन राईले कार्यक्रमको उत्घाटन गरेको थिय । संस्थाका सचिव सुर्यमान दुमी राईले सञ्चालन गरेका सो कार्यक्रमको स्वागत भाषण सदस्य इन्द्र सीं राईले गरेको थियो । कार्यक्रमको अवधिभर रमाइलो गीत संगीतले उपस्थित महानुभावहरुलाई मनोरञ्जन दिएका थिए । कलाकारहरुमा कमल राई, बिमला राई, चन्द्र दुमी राई, नन्द राई, सविना राई रहेका थिए ।