गर्भसंस्कारको फारम |

गर्भ संस्कार बारेमा

किरात राईहरुले श्रीमतिको गर्भ रहेको अवस्थामा चुलामा पुजागरी गर्भमा बसेको बच्चाको सुभेफापेको लागी कामना गर्ने प्रचलन छ । यसरी चुलामा पुजा गरेमा पितापुर्खाहरु खुसि भै गर्भमा रहेको बच्चा सर्लककै राम्रोसंग जन्म हुन्छ भन्ने बिश्वास गरिन्छ । श्रीमतिको गर्भ बसेकोबेला काटमार गर्न हुँदैन, शिकार खेल्न जान हुँदैन, मलामी जान हुँदैन, गईहालेमा ढुङगा बोक्न, खाल्डो खन्न, माटो दिनु हुदैन भन्ने संस्कार छ ।

सामुहिक चुलाघरमा गर्भ संस्कार गर्नेभए

  1. गर्भसंस्कारको फारमभरी किराया हङकङको कार्यलयमा बुझाउनु पर्नेछ ।
  2. किराया हङकङले फारम हेरी उपयुक्त समय मिलाई स्विकृती प्रदान गर्नेछ ।
  3. फारम सहित तोकिएको चुला शुल्क धर्म–संस्कार संरक्षण कोषमा जम्मा गर्नुपर्नेछ ।
  4. अन्य आवश्यक सामाग्रीहरु ब्यावस्था गरिदिन पर्ने भए थप रकम जम्मा गर्नुपर्नेछ ।
  5. सामुहिक धामी चलाउने भए धामीको शिर उठाउनी गर्नु पर्नेछ ।

कार्यक्रमको रुपरेखा

  1. आशन ग्रहण –
  2. गर्भ संस्कारबारे जानकारी –
  3. धार्मीक बचन –
  4. धामी वा जेष्ठ ब्याक्तिबाट पुजाआर्चना
  5. खानपान

आवश्यक सामाग्रीहरु

  1. नाङलो, काँसेथाल, अलिकति चामल र अदुवा
  2. दुबो, तितेपाती, केराकोपात, कोदो र मर्चा मिसाएको पानी
  3. दियोबत्ति, जोडी कलश र फुलपाती
  4. एउटा कुखुराको भाले (ऐछिक)

धार्मीक बचन :

हे प्रकिति पुजक सुम्निमा पारुहाङ, हे चुलापुजक पितापुर्खाहरु हो । तपाँईहरुले …(श्रीमान/श्रीमतीको नाम भन्ने)… को गर्भमा मानव सृष्टी गरि दिनु भएको छ। आजदेखी तपाँईको सृष्टीलाई नागनगेनी सिमेभुमेले साथ दिईरहोस । आमालाई शरिरमा रोगकष्ट लागेमा नदिले बगाई लैजावोस ।  आँखीडाही वायुवतासले उडाएर लगिरहोस । तपाँईहरुले सदैव साथ दिई रहनुहोस है । जय सुम्निमा पारुहाङ ।