देउसेभैलो कार्यक्रम :

किरात राई यायोक्खा हङकङकले हरेक बर्ष कोष अभिवृदि गर्ने उदेश्यले नेपालीहरुको महान चाड तिहारको समयमा देउसे भैलो कार्यक्रमको आयोजना गर्दै आईरहेछ । किरात राईहरुको देउसेभैलो मनाउने चलन परापुर्व कालदेखिनै मनाउदै आईरहेको हो । किराया हङकङले यस कार्यक्रमको उदेश्य हङकङमा रहेका दाजुभाई तथा दिदि बहिनी संग भेटघाट गर्दै सुमुधुर सम्वन्ध स्थापित गर्नलाई समेत लिएकोछ ।

deusi142

संयुक्त देउसेभैलो :

११ जुन २०१७ मा बसेको किराया हङकङको बैठकले किराया हङकङको भाषिक संस्थाहरुसंग अब उप्रान्त मितब्यायिता र समय बचतलाई मध्यनजर गर्दै संयुक्त देउसे भैलो आयोजना गर्ने प्रस्ताव पास गरेको छ ।

देउसेभैलो नियम :

१. हरेक भाषिक संस्थाले सन २०१७ साल देखि किराया हङकङसंग संयुक्त देउसेभैलो कार्यक्रमको आयोजना गर्नेछ ।
२. संयुक्त देउसे भैलो कार्यक्रम सुप्तुलुङखिममा गरिनेछ । यसमा लाग्ने खानपान, बस ब्यावस्थापन किराया हङकङले गर्नेछ ।
३. कार्यक्रममा सहभागीहुनेहरुलाई संयुक्तरुपमा खानपान गराईने छ । यसको लागि सुम्निमा मौलिक खानपान तथा भान्छा सेवा बिभाग लगायत भाषिक संस्थाका स्वंयसेवकहरु खट्ने छन ।
४. यस कार्यक्रममा बेच बिखन नगरिने हुनाले लागेका सम्पुर्ण खर्च किराया हङकङ लगायत भाषिक संस्थाहरुले दामासाहीमा बेहोर्नु पर्नेछ ।
५. दक्षिणाको लागि किराया हङकङ लगायत हरेक भाषिक संस्थाले छुट्टा छुट्टै नाङलो राख्न स्टल प्रदान गरिने छ ।
६. सहभागीहरुलाई भाषिक संस्थाले स्वेच्छाले फुल, टोपि, खादा आदि दक्षिणा दिएको बेला लाईदिन सक्नेछन ।
७. कार्यक्रम भरि हरेक भाषिक संस्थालाई एक एक वटा मनोरन्जनात्मक खेल खेलाउन अधिकार दिईने छ तर कुन खेल खेलाउने हो अगाडिनै किराया हङकङमा दर्ता गराउनुपर्ने छ ।
८. खेल छनौट गर्दा समाजलाई अपाच्यहुने खेलहरु खेलाउन पाईने छैन । प्रस्तावित खेल खेलाउन दिने कि नदिने भन्ने निर्णय किराया हङकङले गर्नेछ ।
९. कार्यक्रमको अन्तमा सामुहिक आशिष प्रदान गर्दै कार्यक्रम बन्द गरिने छ ।
१०. कार्यक्रमको निमन्त्रणा पठाउदा कुनकुन भाषिक संस्था समावेश छन । के के गेम खेलाईन्दैछ । स्पष्ट जानकारी भएको हुनुपर्ने छ । ताकि सहभागिलाई आर्थिक आंकलन गर्न सजिलो होस ।