२६ मार्च २०१७, किरात राई प्रज्ञा प्रतिष्ठान हङकङको पहिलो बैठक बसेको छ । यस बैठकले किरात राई प्रज्ञा प्रतिष्ठान हङकङले किरात राईहरुको “एक बृहत ऐतिहासिक किरात राई बिश्वकोश” An Advance Historical Kirat Rai Encyclopedia  निर्माण गर्ने प्रस्ताव पारित गरेको छ । यस बिश्वकोशमा “सुप्तुलुङ”, “ईतिहास”, “भाषा” , “लिपि”, “धर्म”, “संस्कार”, “संस्कृती”,  “कला”, “साहित्य”, “ सृजना” भएका खण्डहरु रहने छ ।

हरेक खण्ड निर्माणको लागि किरात राई प्रज्ञा प्रतिष्ठान हङकङले संयोजन गर्नेछ भने नेपालमा रहेका सम्बन्धित क्षेत्रका प्रज्ञिकहरुलाई पारिश्रमिक सहित श्रोत संकलन, अध्यन, उत्खनन तथा लेखनको जिम्मा प्रदान गरिने छ । यसमा लाग्ने खर्च किरात राई प्रज्ञा प्रतिष्ठान हङकङले बिभिन्न दाता, दातृसंस्था तथा राष्ट्रहरुबाट संकलन गर्नेछ । यो बिश्वकोश पहिलो चरणमा नेपाली भाषामा र दोस्रो चरणमा अंग्रेजी भाषामा प्रकाशन गरिनेछ । तत्पश्चात किरातराईहरुको हरेक जातिय भाषा तथा अन्य अन्तराष्ट्रिय भाषामा समेत प्रकाशन गर्दै लगिने छ भनि बैठकले अनुमोदन गरेको छ ।

हङकङ।

३१ मार्च-

किरात राई यायोक्खाका केन्द्रिय सदस्य तथा युवा संघका महासचिव हेमन्त राईलाई यहाँस्थित किरात राईहरुको सुप्तुलुङखीम(चुलाघर)मा सम्मान गरिएको छ।

संस्थाका अध्यक्ष रजिन राईले उनको शीरमा फेटा गुथाई दिएर सम्मान गर्नु भएको थियो।

यसैक्रममा किरात राई प्रज्ञा प्रतिष्ठानका कूलपति तथा संस्थाका शशीमदन राई र सल्लाहकार हेजेन राईले उपहार प्रदान गर्नु भएको थियो। कार्य समिति सदस्य तथा सिक्रिमा अतिथि स्वागत-सत्कार बिभाग प्रमुख चन्द्रका(माया)राईले कार्यक्रमको व्यवस्थापन गर्नु भएको थियो।राई जातीको मौलिक संस्क्रितिमा फेटालाई उच्च सम्मान मानिन्छ।

शान्तिन,किलुङचुनमा अवस्थित सुप्तुलुङखीम(चुलाघर)मा संसारभरबाट आउने मौलिक किरात राई धर्म,संस्कार-संस्क्रितिप्रति प्रतिबद्ध विशिष्ट किरात राईहरुलाई सुप्तुलुङ(चुला) दर्शन तथा अवलोकन गराई सम्मान गरिने परम्परा रहेको छ।

अतिथि राई मलेसिया,सिंगापुर,थाइल्याण्ड आदि देशहरुमा सम्पन्न आदिबासी जनजाती विश्व युवा नेटवर्कको कार्यक्रममा प्रतिनिधित्व गरे पश्चात यहाँ(हङकङ) आउनु भएको हो।

सम्मानित विशिष्ट युवा व्यक्तित्व राईसँग अन्तरिक अन्तर्क्रिया पनि गरिएको थियो।

किराप्रप्र कूलपति शशीमदन राई,सल्लाहकार तथा पूर्वाध्यक्ष हेजेन राई

र अध्यक्ष रजिन राईले बोल्नु भएको अन्तर्क्रियामा आफ्नो महान धर्म,संस्कार-संस्क्रिति त्याग्दै अन्य नवधर्म तथा केहि पलका मन लुट्ने धर्म-संस्कार-संस्क्रितितर्फ लाग्नेहरुप्रति सहानुभूतिपूर्वक आफ्नो मौलिकतामा विना हिच्किचाहट फर्कन आव्हान गरिएको थियो। आफ्नो मूल घरमा फर्कंदा उस्तै अपनत्व, आत्मीयता,आदर-सत्कार,सदभाव रहने कुरा पनि बताइएको थियो।

आफ्नो(किरात राई)जातीको धर्म,संस्कार-संस्क्रितिप्रति अतिक्रमण गर्नेहरु विरुद्ध लडी रहेका देशका अन्तर्क्रियामा प्राज्ञिक व्यक्तित्व भद्रगोल किराती,तेज राई,जनकऋषी राई,शालिक सताशक राईलगायतलाई संम्झदै अतिथि राईले केहि पलका रंगीन र गुलियो नवधर्म,संस्कार-संस्क्रितिले एकदिन जातीलाई नै समाप्त गर्ने तर्क राख्नु भएको थियो।

अतिथि हेमन्त राई आजै नेपाल प्रस्थान गर्दै हुनुहुन्छ।

उहाँलाई शुभयात्रा।

१९ फेब्रुअरी २०१७, किरात राई यायोक्खा हङकङले किलुङचुन स्थित आफ्नै सुप्तुलुङखिममा हङकङमा स्थायी बसोबास गर्ने, किरात राई यायोक्खा हङकङमा अनवरत कार्य गरिरहेको ब्यक्ति, किरात राईहरुको मौलिक धर्म संस्कार मान्दै आएको र किरात राई यायोक्खा हङकङले प्राज्ञिक भनि प्रतिष्ठा प्रदान गरेको ब्यक्तिहरुलाई भेला गरि “किरात राई प्रज्ञा प्रतिष्ठान हङकङ” गठन गरेको छ ।

यस भेलाले निम्न पदाधिकारीहरुको चयन गरेको छ ।

कुलपती : शशि मदन राई
उपकुलपती : किसन राई
महासचिव : किन्दर राई
महाप्रबन्धक : धिराज कुमार राई
प्रज्ञा सदस्य : प्रदिप किरवा
प्रज्ञा सदस्य : दिपा एवाई
प्रज्ञा सदस्य : दिपेन्द्र राई
प्रज्ञा सदस्य : रिगम राई

पदेन सल्लाहकार : रजिन राई
पदेन सदस्य : पिताम्बर चाम्लिङ
पदेन सदस्य : तेज साम्पाङ
पदेन सदस्य : कमल दुमी
पदेन सदस्य : पेङगुईन पुमा
पदेन सदस्य : तिलक बान्तावा
पदेन सदस्य : रामली थुलुङ
पदेन सदस्य : हित कोयी