३१ जनवरी २०१६, किरात राई यायोक्खा हङकङले किरात नवबर्ष येलेदोङ ५०७६ को स्वगत, माघे संक्राती, १८औं किराया स्थापना दिवस र किरात राई यायोक्खा हङकङले खरिद गरेको नया चुलाघरमा, चुला स्थापना तथा नया गृहप्रबेशको संयुक्त बृहह कार्यक्रम सम्पन्न गरेको छ । चुला स्थापना र गृह प्रवेश किराया हङकङको सामुहिक कुबिमि द्वय श्री श्रेष्ठ बहादुर राई र श्री नारायण प्रसाद राईले मुन्धुम बाचन गरि बिधिबत स्थापना गरेका थिए । नया चुला स्थापना पुरानो चुलाघरबाट बिधिबत चुला उखेली नया ठाउमा ल्याई गाडेका थिए ।

दुई चरणमा गरेको औपचारिक कार्यक्रम पहिलो चरणमा किरात राई चुलाघर खरिद समितिका मुल संयोजक श्री हेजेन राईको सभापतित्वमा चुलाघर खरिद परियोजनाकार तथा किराया अध्यक्ष शशि मदन राई प्रमुख अतिथि रहेका थिए । अन्य आशन ग्रहण गर्नेहरु चुलाघर खरिद बिभागको बिभाग प्रमुख श्री रजिन राई, संगठन बिस्तार प्रमुख श्री धिराज साम्पाङ र अन्य समितिको पदधिकारी लगायत चुलाघर खरिद संयोजकहरु रहेका थिए । कार्यक्रम संचालन चुलाघर खरिदका महासचिव हरिचन्द्र साम्पाङले गरेका थिए । सो अवसरमा चुलाघर खरिद समितिका मुल संयोजक श्री हेजेन राईले परियोजनाकार तथा किराया अध्यक्षलाई चाबी हस्तान्तरण गरेको थिए ।

दोस्रो चरणको कार्यक्रम किराया हङकङको अध्यक्ष शशि मदन राईको अध्यक्षतामा सम्पन्न भएको थियो । कार्यक्रममा प्रमुख अतिथि आदिबासी जनजाती महासंघका अध्यक्ष श्री मिन बहादुर दर्लामी मगर, च्याम्बर अफ कर्मशका अध्यक्ष डासुराम पराजुली लगायत किराया हङकङको भुपु अध्यक्ष श्री हेजेन राई, श्री नरहाङ राई, श्री किसन राई, सल्लाहकार श्रीमती बसन्त कुमारी राई, श्री रामली राई, श्री प्रताप कोयु रहेका थिए । तेस्तै बिभिन्न क्षेत्रिय तथा जातिय संस्थाहरु लगायत भाषिक संस्थाका अध्यक्षहरुलाई आशन गराएका थिए ।

१८औं स्थापना दिवसमा सम्मानित हुनेहरु श्रीमती कमला राई (शिक्षा), दिपा एवाई (साहित्य), ईश्वर राई (ब्यापार), शैलेन्द्र राई (खेलकुद), दिपेन्द्र राई (चित्रकारीता), सन्तमान राई (भाषिक गित), निश्चल राई (बिध्यार्थी), नेहा राई (बिध्यार्थी), र हरिकाजी राई (बिध्यार्थी) रहेका थिए । तेस्तै चुलाघर खरिदमा खटिने ५४ जना अभियान्ताहरुलाई फेटा गुथाई सम्मान गरेका थिए । कार्यक्रमको संचालन किराया सचिव श्री बिमल राईले गरेका थिए भने खानपान सेवा चाम्लिङ डामै चिमे बिभागले गरेका थिए ।

३१ जनवरी २०१६, १८औं स्थापना दिवसमा सम्मानितहुने किरात राईहरुको नामावली

१. कमला राई   – शिक्षा  – सम्मान पत्र
२. ईश्वर राई    – ब्यापार – कदर पत्र
३. शैलेन्द्र राई   – खेलकुद – कदर पत्र
४. दिपेन्द्र राई   – चित्रकारीता     – प्रशंसा पत्र
५. दिपा एवाई राई       – साहित्य       – कदर पत्र
६. सन्तमान राई – भाषिक गित/संगीत     – प्रशंसा पत्र
७. निश्चल राई  – एज्युकेशन/एचकेडिएसई  – प्रशंसा पत्र
८. नेहा राई     – एज्युकेशन/एचकेडिएसई  – प्रशंसा पत्र
९. हरिकाजी राई  – एज्युकेशन/एचकेडिएसई  – प्रशंसा पत्र

२७ डिसेम्बर २०१५, किरात राई यायोक्खा हङकङ, साकेला तथा संस्कृतीक प्रदर्शनी विभाग (Sakela and Cultural Show Depart) ले ताई मो शान कन्ट्रि पार्कमा साकेला उधौली मौलीक भेषभुषामा सम्पन्न गरेको छ । करिव साढे २ बजे औपचारिक कार्यक्रमबाट शुरुगरेको साकेला उधौली बेलुकी ७ बजे  समापन गरेका थिए । किराया हङकङको अध्यक्ष श्री शशि मदन राईको अध्यक्षतामा सम्पन्न सो कार्यक्रममा प्रमुख अतिथि आदिवासी जनजाती महासंघ हङकङक अध्यक्ष श्री मिन बहादुर दर्लामी मगर रहेका थिए । बिशेष अतिथिहरुमा ४ किरातका अध्यक्षहरु क्रमस: किरात याक्थुम चुम्लुङका अध्यक्ष श्री त्रिभुवन लिम्बु, किरात सुनुवार समाज हङकङका अध्यक्ष श्री एल.बि. सुनुवार र किरात याक्खा छुम्माका अध्यक्ष श्री पुर्ण बहादुर याक्खा उपस्थित थिए । अन्य अतिथिहरुमा आदिबासी जनजाती मुलका संस्थाहरु, राई शिर्षब्यक्ति भएका क्षेत्रिय तथा अन्य संस्थाहरु, राई भाषिक संस्थाहरु तथा किराया हङकङका सल्लाहकारहरु, भु.पु. अध्यक्षहरु रहेका थिए ।

कार्यक्रम संचाल किराया हङकङका सचिव बिमल राईले संचालन गरेका थिए । कार्यक्रममा प्रमुख अतिथिले हरेक जातिहरुले आफ्नो पहिचानको निमित्त भाषा, धर्म संस्कार संस्कृतीहरु जोगाउदै लानु पर्ने बताउनु भयो । त्यस्तै अध्यक्षले किरात राईहरुले खरिद गर्नलागी रहेका चुलाघरमा सम्पुर्ण हङकङबासी किरात राईहरुले ३१ डिसेम्वर २०१५ भित्र सम्म न्युनतम १०० डलर भएपनि सहयोग गरि चुलाघर सहयोग पुस्तिकामा नाम लेखाउन अनुरोध गर्दै शुभकामना दिएका थिए । साकेला शिलि किराया हङकङका साकेला तथा संस्कृतीक बिभागका सिलिमोपा श्री प्रतिक चाम्लिङ राई र सिलिमोमा रेनुका साम्पाङ राई लगायत अन्य कलाकारहरुले प्रदर्शनी गरेका थिए । साकेला नाच संग संगै किराया हङकङका सामुहिक धामी श्री श्रेष्ठ बहादुर राईले भुमी पुजा गर्दै समस्त किरात राई लगायत नेपालीहरुको शुभेफापेको आर्शिबाद मागेका थिए । अन्तत : साकेला उधौली २०१५ बेलकी ७ बजे बिबिक्यु संगै समापन भएको थियो ।

२५ डिसेम्बर २०१५, किराया हङकङ, किरात धर्म तथा संस्कार संरक्षण विभाग (Kirat Religion and Culture Conservation Depart) ले सदा बर्षझै यस बर्ष पनि साकेला उधौलीको अवसरमा युनलङ अवस्थित चुलाघरमा सामुहिक पित्री पुजा सम्पन्न गरेको छ । किराया हङकङको सामुहिक धामी श्री श्रेष्ठ बहादुर राईले सामुहिक पित्रीहरुलाई सुँवाचा प्रदान गर्नु भयो । कुबिमि राईले जोखाना हेर्दा यस बर्ष किरातहरुलाई सुभेफापे हुने बताउनु भएको छ ।

१५ नोभेम्वर २०१५ – किरात राई यायोक्खाको देउसी-भैलो कार्यक्रम युङलङमा रहेको चुलाघरमा सम्पन्न भएको छ।

२४ जुन २०१५, नेपालमा गएको महाभुकम्पको निमित्त किराया हङकङद्वारा भाषिक संस्था लगायत हङकङका किरात राईहरुबाट संकलित रकम निम्न सुझाव सहित किराया हङकङका अध्यक्ष शशि मदन राईले किराया नेपाल केन्द्रिय समितिका अध्यक्ष यसोदा राईलाई हङकङ डलर ६०३५४ सटही दर १३.४९५ प्रतिशतको दरले नेपाली रुपैया ८१४५०० निम्न विशेष अतिथिहरुको रोहबरमा हस्तान्तरण गर्नु भयो । किराया हङकङले आयोजना गरेको नेपाल स्थित तयमा रेष्टुरेन्ट, ढोलाहिटि, ललितपुरमा सम्पन्न गरेको उक्त कार्यक्रममा अध्यक्ष शशि मदन राई, प्रमुख अतिथिमा यसोदा राई र बिशेषअतिथि मणि कुमार राई, सर्वधन राई, डा. भक्त राई तथा किराया साम्पाङ जुम्लेखा केन्द्रिय अध्यक्ष टिकाशोरी राई रहनुभएको थियो । कार्यक्रम तायचुम जायाजुमका महासचिव दिनेश राईले संचालन गर्नु भएको थियो । तेस्तै अतिथिहरुमा किराया हङकङबाट प्रकाशन हुने यलम्बर स्मारिकाका लेखकहरु क्रमश : पुरण राई, पदम राई, तारा मणि राई दिनेश राई, शुभ मुकारुङ, सचित राई तथा किराया पत्रकारहरु रहनु भएका थिए ।

बोलाएका अतिथिहरुमा प्रा.डा. नोवल किशोर राई र सुमाया राई कार्य ब्यास्तताको कारणले उपस्थित हुन नसकेका जानकारी गराउनु भएको थियो ।

सहयोग रकमका निम्न लिखित ससुझावहरु अध्यक्ष शशि मदन राईले दिनुभएको थियो ।
१. नेपाल सदरकारबाट सहयोग पुग्न नसकेका स्थानमा किराया नेपालका अधिकारिक ब्यक्तिहरु गई प्रत्यक्ष सहयोग बितरण होस भन्ने सुझाव रहेकोछ ।
२. सहयोग वितरण ब्यानरमा किराया हङकङको समेत नाम उल्लेखित भई सो बितरण कार्यक्रमको फोटोहरु किराया हङकङलाई प्राप्तहोस भन्ने सुझाव रहेकोछ ।

नेपालमा हालै २५ अप्रिल २०१५ मा गएको महाभुकम्पले ठुलो धनजनको क्षति पुऱ्याएको छ । यस दुखको घडिमा समस्त पिडितजनहरुले धैर्यधारण गर्ने शक्ति मिलोस भनि किरात राई यायोक्खा हङकङ पार्थना गर्दछ । साथै यस महाक्षतिलाई थोरै भएपनि आर्थीक सहयोग गर्न “किराया हङकङ नेपाल भुकम्प राहत कोष २०१५” स्थापना गरिएको छ । किरात राई यायोक्खा हङकङसंग आवद्ध भएका वा नभएका भाषिक संस्था, क्षेत्रिय संस्था वा ब्यक्तिहरुलाई उक्त राहत कोषमा आफुले सक्ने सहयोग जम्मा गरि नाम लेखाई दिनहुन हार्दिक अपिल गर्दछौं ।

राहतकोष संकलन :
१. किराया हङकङको अध्यक्षको नाममा रहेको हङकङ बैंक खाता नं. ६१९–८७६८१६–८८८ मा राहत संकलन गरिदिनहुन अनुरोध छ ।
२. राहत जम्मा गरिसकेपछि किराया हङकङको अध्यक्षको नाममा रहेको मोबाईल नं. ९२०३३७१५ मा एसएमएस मार्फत दिनांक, नाम र रकम टिपाईदिनहुन अनुरोध छ ।
३. यस राहतकोष रकम उठाई सक्ने अन्तिम मिति ३१ मे २०१५ सम्म रहनेछ । त्यसपछिका राहत संकलन रकम उठाईने छैन ।
४. राहत संकलन गरेका सहयोगदाताहरुको नामावली सम्बन्धित दाताहरुलाई बिभिन्न संचार माध्यमबाट समय समयमा जानकारी गराईने छ ।
५. जम्मा राहतकोष उठेको रकम र राहतकोष नेपालमा पठाउने सम्वन्धमा किराया हङकङको आगामी बैठकले निर्णय गर्ने छ ।