नरजित राइको ” नसकिने बाटो ” कृतिको लोकार्पण हङकङमा सम्पन्न

यहि १८ अप्रिल २०२१ का दिन किरात राई प्रज्ञा प्रतिष्ठान हङकङले आयोजना गरेको बृहत कार्यक्रममा लेखक,साहित्यकार तथा समाजसेवी श्री नरजित राइको चौथो कृति ” नसकिने बाटो”को लोकार्पण  बगैचा पार्टी प्यालेस रेस्टुरेन्ट जोर्डनमा सम्पन्न  भएको छ।

किरात राई प्रज्ञा प्रतिष्ठान हङकङको कुलपति श्री शशि मदन राइको अध्यक्षतामा सम्पन्न कार्यक्रममा किरात राई यायोक्खा, हङकङका अध्यक्ष हरिस चन्द्र  राई प्रमुख अतिथी र नेपाली साहित्य परिषद हङकङका अध्यक्ष किसन राई बिशेष अतिथी हुनु हुनु हुन्थो।  किरात राई प्रज्ञा प्रतिष्ठान हङकङका सचिब किन्दर कुमार राइले सन्चालन गर्नु भएको उक्त कार्यक्रममा भाषिक सस्थाका अध्यक्ष  तथा प्रतिनिधिहरु अतिथिका रुपमा उपस्थित हुनु भएका थिए।

किरात राई प्रज्ञा प्रतिष्ठान हङकङका प्राज्ञ बिपिन (वसन्त)राइले सो कार्यक्रममा स्वागत  मन्तव्य  व्यक्त  गर्नु भएको  थियो।

सभाका अध्यक्ष ,प्रमुख अथिती,बिशेष अतिथी  र कृतिकारले सामुहिक रूपमा कृतिको लोकार्पण गर्नु भएको थियो। कृतिकार नरजित राइलाइ किरात राई चाम्लिङ खाम्बातिम हङकङको तर्फबाट शिरमा फेटा गुथाइ सम्मान गरिएको थियो ।  कृतिकार  किरात राई चाम्लिङ खाम्बातिम हङकङको  सस्थापक अध्यक्ष पनि हुनुहुन्छ्। साथै  उपस्थित महानुभावबाट पनि  कृतिकारलाइ  गलामा खादा लगाइ दिई सम्मान गरेका थिए।

कृतिकार नरजित राई ज्युले कृति प्रकाशानार्थ सहयोग गर्नुहुने सहयोगकर्ताहरु ज्ञान बहादुर राई, शशी मदन राई, शेर बहादुर पयाङो,पिताम्बर राई, प्रबिण किशोर राई, धिराज कुमार राई,  टन्कमाया राई,जगत अम्बु गुरुङ, बज्र कुमार राइलाई टोपी र खादा लगाइ दिई सम्मान गर्नु भएको थियो।

कृति नसकिने बाटोको समिक्षा  साहित्यकार तथा पत्रकार  बज्र कुमार राइले गर्नु भएको थियो। ” नरजित राइले कृतिलाइ सरल र सहज भाषामा पस्क्नु भएको र समग्रमा सबै शिर्षकहरु पाठकहरुका लागि  पठनिय नै रहेका कुरा व्यक्त गर्नु भएको थियो।

नेपाली साहित्य परिषद हङकङका अध्यक्ष किसन राईले  कृतिकारलाइ बधाई दिएका थिए ।प्रमुख अतिथी हरिचन्द्र राइले ” लेखक समाजसेवी  नरजित राइले आफ्नो कृति मात्र होइन किरात राई यायोक्खा हङकङको इतिहास (१९९८-२०२१) पनि लेखी सक्नु भएको  र अब तत्कालै प्रकाशन गरिने जानाकारी सहित प्रगतिको कामना गर्नु भयो।

कृतिकार नरजित राइले “लेख्नु आफ्नो सौख भएको  र बाचुन्जेल लेखी नै रहने भाव व्यक्त गर्दै पाठकहरुले आफ्नो कृतिलाइ पढेर रमाइ दिनु भए आफू सफल भएको ठान्द्छु” भन्नू भयो।

किरात राई प्रज्ञा प्रतिष्ठान  हङकङका कुलपति शशी मदन राई ज्युले कार्यक्रमलाइ समापन गर्नु भएको थियो। स्मरण रहोस् यस भन्दा अघि लेखकका कृतिहरु आकाश खोज्दै जादा, समुद्र माथिको शहर, र मनोबिम्ब प्रकाशित भइ सकेका छन।

Source: https://www.hongkongkhabar.com/

साम्पाङ भेटघाट

५ जनवरी २०२०, किरात साम्पाङ राई जुम्लेखा हङकङले पारिवारिक भेटघाटको लागि हाईकिङ तथा बिबिक्यु कार्यक्रम सम्पन्न गर्यो । ओलम्पिक ट्राईल अन्तर्गतको तुङचुङ देखि सुरु भएको हाईकिङ मुईयोमा समाप्त भएको थियो । हाईकिङ पश्चात बिबिक्यु आयोजना गरेका थिए ।

हाईकिङमा ६३ जना साम्पाङगेहरु सहभागी भएका थिए भने २ जना पाहुना जजिन चाम्लिङ राई र सुबास पुमा राई रहेका थिए । बिबिक्युसंगै मनोरन्जनात्मक ४ प्रकारका खेलहरु आयोजना गरेका थिए । खेलमा प्रथम हुने ४ जना, दोस्रो हुने ४ जना र तेस्रो हुने ४ जनालाई क्रमसः ५००, ३०० र १०० का दरले नगद पुरस्कार प्रदान गरेका थिए ।

किरात साम्पाङ राई जुम्लेखा हङकङले बर्षमा २ चोटि (जनवरी र जुलाईमा) पारिवारीक झेटघाट कार्यक्रम गर्दै आई रहेको छ । यस कार्यत्रमको अर्थ ब्यावस्थापन जुम्लेखाको अक्षयकोषमा रहेको करिव २ लाख पचास हजार हङकङ डलरको ब्याजबाट गर्दै आई रहेको छ ।

यस हाईकिङ तथा खेलको संयोजन रबिचन्द्र राईले गरेका थिए भने बिबिक्युको संयोजन रबिनसन राईले गरेका थिए ।

भैंसी आलैमा,
फेरि पनि भेटौहै, आर्को पालैमा ।

अंग्रेजी नया बर्ष २०२० को शुमकामना सहित धन्यबाद सम्पुर्ण साम्पाङगेहरुलाई ।

– शशि मदन राई

प्रथम यलम्बर धनु-वान प्रतियोगिता २०१९

२९ डिसेम्वर २०१९ आईतबार, किरात राई यायोक्खा हङकङको आयोजनामा, र किरात याक्खा छुम्मा हङकङ, सुनुवार सेवा समाज हङकङ, किरात याक्थुम चुम्लुङ हङकङको सह-आयोजनामा तथा थुलुङ (राई) सामा हङकङको संयोजकत्वमा “प्रथम यलम्बर धनु-वान प्रतियोगिता २०१९”  कार्यक्रम सम्पन्न भएकोछ ।

प्रतियोगितामा प्रणय चन्द्र राई प्रथम भएका छन् । वोङ ताई शिनस्थित लायन रक आर्चरी क्लबमा भएको प्रतियोगितामा प्रणयले कुल १६६ अंक जोड्दै प्रथम स्थान हातपार्न सफल भएका हुन् । सोही प्रतियोगितामा कृष्ण राज राई रदिपेन राई क्रमश दोस्रो र तेस्रो भए। उनीहरुले समान १५४–१५४ अंक जोडेका थिए।

प्रतियोगितामा पहिलो, दोस्रो र तेस्रो स्थान हासिल गर्नेलाई क्रमशः हङकङ दुईहजार, पन्ध्रसय र एकहजार हङकङ डलर नगद पुरस्कार प्रदान गरिएको छ । आर्चरी प्रतियोगितामा ३१ पुरुष र ४ महिला गरि कुल ३५ जनाले सहभागिता जनाएका थिए ।

यस खेलको माध्यमबाट चार किरातहरु राई, लिम्बू, सुनुवार र याख्खाहरु बिच आपसी सद्भाव बढ्ने तथा हङकङको खुल्ला समाजमा बिस्थापित हुँदै गएको किरातहरुको सस्कृती र परम्परा आधुनिक पुस्ताहरुमा हस्तान्तरण गर्न मद्दत पुग्ने अपेक्षा गरिएको छ ।

… http://kiratrai.org/archery/ …

पितृपुजा २०१९ सम्पन्न

१५ सेप्टेम्वर २०१९, किरात साम्पाङ राई जुम्लेखा हङकङको आयोजनामा सुप्तुलुङखिममा सामूहिक पितृपुजा (न्वगी) सम्पन्न भयो । किराया हङकङको कुबिमिद्वय श्री नारायण प्रसाद राईज्यु र मैत्र कुमार राईज्युले सामूहिक पितृहरुलाई न्वगी प्रदान गरे पश्चात ब्यक्तिगत वंशावली ल्याएर पितृपुजा गर्न आउनुहुनेहरुलाई न्वगी प्रदान गर्नु भएको थियो । ब्यक्तिगत वंशावली ल्याएर न्वगी दिन आउनुहुनेहरुमा किरात राई प्रज्ञा प्रतिष्ठान हङकङका कुलपती श्री शशि मदन राई, किरात साम्पाङ राई जुम्लेखाका अध्यक्ष श्री तेज कुमार राई, किरात राई बान्तावा खिम हङकङका अध्यक्ष श्री दुर्गाकान्त राई तथा साम्पाङ सदस्य श्री कर्णबीर राई हुनुहुन्थ्यो ।

किराया हङकङको सामूहिक चुलामा ब्यक्तिगत पितृहरुलाई न्वगी दिने कार्य यो चौथो कार्यक्रम हो । किरात साम्पाङ राई जुम्लेखा हङकङले सन २०१६ साल देखि शुरु गरेको यो पितृपुजालाई किराया हङकङ र सबै भाषिक संस्थाहरुले २०१८ सालमा सामूहिक बैठक बसि मान्यता प्रदान गर्दै ईच्छा हुने सबै राईहरुले यसै दिन सामूहिक न्वगी फुकाउदै नया अन्नबाली चलाउने सम्पुर्ण हङबासि किरात राईहरु दाजुभाई दिदिबहिनिहरुलाई अनुरोध गरेको छ  र किराया हङकङले निकालेको बार्षिक क्यालेण्डर अनुसार यस कार्यक्रमलाई निरन्तरता गरि रहन किरात राई साम्पाङ जुम्लेखालाई जिम्मेवारी प्रदान गरेको छ ।

न्वगी

न्वगी कार्यक्रमलाई दुइभागमा बिभाजन गरेको थियो । कार्यक्रम गर्नु अगावै किरात साम्पाङ राई जुम्लेखाको अध्यक्ष श्री तेज कुमार साम्पाङ राईज्युको अध्यक्षतामा एक औपचारिक कार्यक्रम आयोजना गरेका थिए । औपचारिक कार्यक्रममा प्रमुख अतिथि किराया अध्यक्ष श्री हरिचन्द्र राई, अतिथिहरुमा किराया संरक्षक श्री हेजेन राई, किराया सल्लाहकारहरु क्रमशः श्री रजिन राई, श्री बसन्त कुमारी राई, श्री धिराज कुमार राई, प्रज्ञा प्रतिष्ठानका कुलपती श्री शशि मदन राई, भाषिक संस्थाका अध्यक्षहरु क्रमशः श्री पवित्रा चाम्लिङ, श्री पेङ पुमा, श्री दुर्गाकान्त बान्तावा, श्री रामली थुलुङ, श्री हित बहादुर कोयी, नेपालबाट पाल्नु भएका अतिथिद्वय श्रीमान श्रीमती नन्द ब० कोयी तथा मौलिक किरात धर्म, संस्कारमा आस्था राख्ने किरात राई दाजुभाई दिदिबहिनिहरुको उपस्थित रहेको थियो ।

औपचारिक कार्यक्रम

औपचारिक कार्यक्रमको शुरुवातमा किरात राई प्रज्ञा प्रतिष्ठान हङकङका कुलपती श्री शशि मदन राईज्युले (१) पितृपुजा र किरातहरु बारेमा, (२) चुला र मुन्धुम बारेमा, (३) ब्यक्तिगत चुला र सामूहिक चुला बारेमा, (४) ब्यक्तिगत पितृकक्ष र सामूहिक पितृकक्ष बारेमा मुन्धुम र परिस्थितिजन्य सामूहिक धारणा तथा (५) ब्यक्तिगत पितृपुजा र सामूहिक पितृपुजा गर्ने मुन्धुमी विधी र प्रतिस्थापन विधीबारेमा प्रस्टाएका थिए । तत्पश्चात किराया हङकङको कुबिमिद्वय श्री नारायण प्रसाद राईज्यु र मैत्र कुमार राईज्युलाई फेटा गुथाई शिर उठाए पश्चात भाषिक संस्थाका अध्यक्षहरु, किराया सल्लाहकारहरु, किराया संरक्षकहरुलाई कुलपतीले बोलेका परिस्थितिजन्य सामूहिक धारणा र गर्ने प्रतिस्थापन विधीविधानहरु बारेमा बिचार राखेका थिए ।

सामूहिक पितृकक्ष

सबैको भनाई र बिचारमा यो कार्य अति उत्तम रहेको, किरात राईहरुको धर्म, संस्कारलाई बचाई राख्न र अन्य धर्म, संस्कारमा प्रवेश गर्नुबाट रोक्न यो उत्तम बाटो हुन सक्ने बिचारका साथ आउँदो दिनमा यसबारे अन्तरक्रिया गरि निचोड निकाली सर्वसम्मत गर्दै जाने भन्ने बिचार, राय दिएका थिए । सबैको बिचार पछि अन्त्यमा अध्यक्षज्युले कार्यक्रम समापन गर्नु भएको थियो । कार्यक्रमको शुरुवात किराया हङकङको सचिव श्री गजेन्द्र राईज्युले शुरु गरि कार्यक्रम संचालन गर्ने जिम्मा किरात राई साम्पाङ जुम्लेखाको सचिव श्री मणि राज साम्पाङलाई जिम्मा दिएका थिए ।

चुला

कार्यक्रममा उपस्थित महानुभावहरुलाई नया चामल मिसाएको भात, नया कोदोफापरको ढिडो, सुङगुरुको भुटुवा, कुखुराको भालेको तरकारी र पेय पदार्थहरु प्रदान गरेका थिए । न्वगी कार्यक्रम बेलुकी ७ बजे समापन भएको थियो ।

ढिडो

 –जय किरात

नन्द कोयी र भाउजुलाई चुलादर्शन

सन 2019 सेप्टेम्बर 15 तारीखको दिनमा सामुहिक चुलाघर सुप्तुलुङ खिम(सुप्तुलु किम) स्थित नेपालबाट परिवारिक भेटघाटमा हङ्कङ आउनु भएका आदरणीय दाजु नन्द ब० कोयी र भाउजुलाई किरात राई सोदेल कोयी/कोयु किम हङ्कङ्का तर्फबाट चुलादर्शन गराउने अवसर मिलेको थियो।उक्त कार्यक्रममा हाम्रा जुवाई तथा किराया हङ्कङ्का निवर्तमान अध्यक्ष तथा किराया हङ्कङ्का सल्लाहकार राजिन राई ज्युले सामुहिक चुलाघर खरिद गर्नुको उदेस्य र आवस्यकता साथै सामुहिक चुला सम्बन्धि बिस्तृत रुपमा अवगत गराउनु भएको थियो।अन्त्यमा आफ्नो मन्तव्य राख्नुहुदै हाम्रा अतिथि दाजुले बिदेशमा रहेर पनि आफ्नो संस्कार र संस्कृतिलाई जीवन्त राख्दै निरन्तरता दिईरहेकोमा सम्पुर्ण प्राकृतिक र पित्री पुजक हङ्कङ्बासी किरात राई हरुलाई धन्यवाद व्यक्त गर्नुभयो।

उक्त दिनमा किरात राई साम्पाङ जुम्लेखा हङ्कङको आयोजनामा सामुहिक चुलाघरस्थित न्वागी पितृपुजा कार्यक्रम किराया हङकङका अध्यक्ष हरि राई ज्युको प्रमुख अतिथिमा सम्पुर्ण भाषिक संस्था हरुको सहभागितामा धुमधामले मनाईएको थियो साथै त्यसकार्यक्रममा पनि आदरणीय हाम्रा दाजु र भाउजुलाई आयोजक संस्थाबाट अतिथिको आशन ग्रहण गराउनु भएको थियो।आफ्नो ब्यस्त समयको प्रवाह नगरीकन हाम्रो निमन्त्रणालाई सहर्ष स्वीकार गरिदिनु भएर चुला दर्शन कार्यक्रममा सहभागी भइदिनु भएकोमा आदरणीय दाजु भाउजू प्रति हार्दिक आभार प्रकट गर्दै धन्यवाद व्यक्त गर्दछौं।

जय सोदेल कोयी/कोयु किम हङ्कङ।

साउने संक्राती २०१९

२१ जुलाई २०१९ हङकङ,

किरात राई यायोक्खा हङकङले साउने संक्रातीको उपलक्ष्यमा सुप्तुलुङखिममा बाल प्रतियोगिता तथा पुर्खा सम्मान कार्यक्रम आयोजना गरेको थियो । बाल प्रतियोगितामा ७ बर्ष देखि १४ बर्षसम्मका १३ जना बालबालिकाहरुलाई सहभागी गराएका थिए । प्रतियोगितामा यलम्बर राजाको पेन्सिल चित्र बनाउनु पर्ने थियो । प्रमुख जज चित्रकार दिपेन्द्र राई रहेको थिए भने जुरीमा भाषिक संस्थाका अध्यक्षहरु रहेका थिए ।

अन्त्यमा किराया हङकङका अध्यक्ष हरिचन्द्र राईज्युको अध्यक्षतामा एक औपचारिक कार्यक्रम गरि प्रतियोगीहरुलाई प्रथम, दोस्रो, तेस्रो र सान्तवना प्रमाणपत्र र नगद पुरस्कार प्रदान गरेका थिए । साथै प्रमुख जज चित्रकार श्री दिपेन्द्र राईज्युलाई समेत सम्मान गरिएको थियो । कार्यक्रम संचालन सचिव गजेन्द्र राई तथा बाल, महिला, प्रौढ तथा अतिथि बिभागका बिभाग प्रमुख पविता पुमा राई द्वयबाट संचालन गरेका थिए ।

  1. सन्दिप्त कोयी राई – प्रथम
  2. साई सिमल बान्तावा राई – दितिया
  3. निमचुङ बान्तावा राई – तृतिय
  4. यान यान कोयी राई
  5. लिकन चाम्लिङ राई
  6. जुनिला चाम्लिङ राई
  7. लिमा चाम्लिङ राई
  8. सिधान्त चाम्लिङ राई
  9. पमन चाम्लिङ राई
  10. प्रकृति चाम्लिङ राई
  11. मिकाक पुमा राई
  12. रेनिशा साम्पाङ राई
  13. नायुमा कुलुङ राई

कार्यक्रमको अन्त्यमा साउने संक्रातीको भोज भत्तेर खाई बेलुकी घाम डुबे पछि किराया हङकङका कुबीमी श्री मैत्र कुमार राई बिभाग संयोजक श्री हित बहादुर कोयी राईज्युले राँके बालि लुतो मैला सबै जावस । घरमा सुख शान्ति आवस भनि प्रार्थना गर्दै राँकेलाई बाटो कटाएका थिए ।