All posts by admin

भुकम्प राहत बिशेषकोष २०१५ संकलन अपिल

नेपालमा हालै २५ अप्रिल २०१५ मा गएको महाभुकम्पले ठुलो धनजनको क्षति पुऱ्याएको छ । यस दुखको घडिमा समस्त पिडितजनहरुले धैर्यधारण गर्ने शक्ति मिलोस भनि किरात राई यायोक्खा हङकङ पार्थना गर्दछ । साथै यस महाक्षतिलाई थोरै भएपनि आर्थीक सहयोग गर्न “किराया हङकङ नेपाल भुकम्प राहत कोष २०१५” स्थापना गरिएको छ । किरात राई यायोक्खा हङकङसंग आवद्ध भएका वा नभएका भाषिक संस्था, क्षेत्रिय संस्था वा ब्यक्तिहरुलाई उक्त राहत कोषमा आफुले सक्ने सहयोग जम्मा गरि नाम लेखाई दिनहुन हार्दिक अपिल गर्दछौं ।

राहतकोष संकलन :
१. किराया हङकङको अध्यक्षको नाममा रहेको हङकङ बैंक खाता नं. ६१९–८७६८१६–८८८ मा राहत संकलन गरिदिनहुन अनुरोध छ ।
२. राहत जम्मा गरिसकेपछि किराया हङकङको अध्यक्षको नाममा रहेको मोबाईल नं. ९२०३३७१५ मा एसएमएस मार्फत दिनांक, नाम र रकम टिपाईदिनहुन अनुरोध छ ।
३. यस राहतकोष रकम उठाई सक्ने अन्तिम मिति ३१ मे २०१५ सम्म रहनेछ । त्यसपछिका राहत संकलन रकम उठाईने छैन ।
४. राहत संकलन गरेका सहयोगदाताहरुको नामावली सम्बन्धित दाताहरुलाई बिभिन्न संचार माध्यमबाट समय समयमा जानकारी गराईने छ ।
५. जम्मा राहतकोष उठेको रकम र राहतकोष नेपालमा पठाउने सम्वन्धमा किराया हङकङको आगामी बैठकले निर्णय गर्ने छ ।

१७औं स्थापना दिवश

किरात राई यायोक्खा, हङकङको १७औं स्थापना दिवश भव्यताकासाथ सम्पन्न भयो । कार्यक्रम युङलङस्थित संस्थाको चुलाघरमा भएको हो । उक्त अवशरमा संस्थाको पूर्व कार्यसमितिमा रहेर काम गर्नु भएका पदाधिकारीहरुलाई सम्मान गरियो । सम्मानित हुनेहरुमा पूर्व केन्द्रिय सचिव जे.बि. किरात, साथै किराया हङकङका अग्रणी व्यक्तित्व वसन्त कुमारी राई, संस्थापक रामली राई, हेजेन राई, किसन राई, प्रताप कोयु राई, ढकवीर राई, मणीराज राई, लिला राई, तेज प्रकाश राई, प्रेमरोज राई हुनुहुन्थ्यो । ब्यास्तता र समयाभावको कारण सम्मान ग्रहण गर्न कार्यक्रमस्थलमा आईपुग्न नसक्नु हुनेहरुमा संस्थाका अग्रज व्यक्तित्व नरजित राई, नरहाङ राई, इन्द्रसिंह राई, कमल दुमी, अमोद राई,आदि हुनुहुन्थ्यो। उहाँहरुले स्थापना दिवशको उपलक्ष्यमा शुभकामना शन्देश पठाउनु भएको थियो। हामी (किराया हङकङ)लाई शुभकामना दिनुहुने संघ/संस्था र व्यक्ति/व्यक्तित्वहरुमा धन्यवादकासाथ आभार व्यक्त गर्दछौं । कार्यक्रमको समापन पश्चात पूर्व केन्द्रिय अध्यक्ष तथा गीतकार सुमाया राईको भर्खरै सांगीतिक बजारमा आएको गीति एल्बम”तातो हावा”को अनौपचारिक विमोचन समेत गरिएको थियो ।

estd2

 

देउसी-भैलो कार्यक्रम

हङकङ,१४ नोभेम्बर- थुलुङ राई सामाको देउसी-भैलो कार्यक्रम जोर्डनस्थित नमो:बुद्ध क्लवमा सम्पन्न भएको छ। कार्यक्रममा किरात राई यायोक्खाका अध्यक्ष शशीमदन राई प्रमुख अतिथि रहनु भएको थियो। बिशेष अतिथिमा किरात राई यायोक्खा चुलाघर खरिद तथा व्यवस्थापन विभागका मूलसंयोजक हेजेन राई हुनुहुन्थ्यो।अतिथिमा किराया भाषिक तथा अन्तरसम्बन्धमा रहेका बिभिन्न संस्थाका अध्यक्षहरु रहनु भएको थियो। समाजका विशिष्ठ व्यक्तित्वहरु पनि अतिथिमा रहनु भएको थियो। बिशेष देउसी-भैलोकै कार्यक्रम भए तापनि औपचारिकता पूरा गर्नै पर्ने बाध्यतास्वरूप केहि मिनेट औपचारिक कार्यक्रम गरिएको हो। तिहारको शुभकामना मन्तव्य राख्ने क्रममा प्रमुख अतिथि र बिशेष अतिथिले किरात राईहरुको चुलाघर खरिदकालागि सबै किरात राईहरुलगायत सम्पूर्ण नेपाली समुदायले साथ-सहयोग गरि दिनुहुन आग्रह गर्नु भएको थियो।आगामी डिसेम्बर अन्तिमसम्म हाल बैनामा रहेको चुलाघरको जम्मा मूल्य बुझाई खरिद गर्नु पर्ने भएकोले सबैले आ-आफ्नो बुद्धिविवेक,सम्पर्क र पहुँजले भ्याएसम्मको सहयोग गर्न/जुटाई दिन पनि विनम्र अनुरोध गरिएको थियो।

 

यलम्बर (अंक १५, २०७१)

18 May 2014, हङकङबासी किरात राईहरुले ताइमोशान डाँडामा भव्यताकासाथ उभौली साकेला मनाइयो। यसै अवसरमा किरात राई यायोक्खा हङकङको मुखपत्र “यलम्बर”को पनि लोकार्पण गारियो। यही मुखपत्र प्रकाशनको निम्ति योगदान गरेबापत सम्पादक किन्दर राई र प्रकाशन विभाग प्रमुख बज्र कुमार थुलुङ राई लाई यायोक्खाले शीरमा फेटा गुथाएर  सम्मान गर्यो।

smarika2

 

साकेला (उभौली)

१८ मे, २०१४ आइतबारका दिन हङकङको ताइमोसान डाडा स्थित यलम्बर पार्कमा किरात राई यायोक्खा हङकङको आयोजनामा किरातहरुको महान चाड साकेला (उभौली) भव्यताका साथ सम्पन्न । उक्त अवसरमा बि.बि.क्यू.का साथै विविध किरात परिकार खादै साकेला शिली नाच्नुका साथै कि.रा.या. हङकङको मुख पत्र यलम्बर तथा महेन्द्र राईको वान्तावा राई भाषामा रहेको गीती एल्वम साकेला मुन्दुम–२०७१ को विमोचन समेत गरिएको थियो ।

sakela4