१५ अक्टुबर २०१७, आईतबार हङकङ, किराया हङकङ संयोजक रहेको, किराया हङकङसंग आबद्द ७ भाषिकसंथाहरु चाम्लिङ खाम्बातिम हङकङ, दुमी फन्सिकिम हङकङ, साम्पाङ जुम्लेखा हङकङ, बान्तावा यायोक्ला खिम हङकङ, पुमा तुक्खा बांखाला हङकङ, थुलुङ सामा हङकङ र सोदेल कोयु किम हङकङको आयोजनामा देउसे भैले कार्यक्रम किराया हङकङको सामुहिक चुलाघर (सुप्तुलुंग खिम ) मा सानदार तथा भब्यरुपमा सम्पन्न भयो | यो भन्दा अगाडि सबै भाषिक संस्थाहरु आ-आफ्नो तरिकाले छुट्टा छुटै देउसी मनाउदै आएका थिए | संयुक्तरुपमा सबै भाषिक संस्थाहरुसंग देउसी मनाउने किराया हङकङको यो पहिलो अभ्यास हो |

८ न. टाईफुन र भिषण बर्षादको बाबजुद पनि यो कार्यक्रममा ब्यापक जनसहभागिता रहेको थियो | यो ऐतिहासिक कार्यक्रमलाई किराया सचिब बज्रकुमार राईले संचालन गर्नु भएको थियो भने किराया हङकङका अध्यक्ष रजिन राईको अध्यक्षतामा सुनुवार समाजका अध्यक्ष गौरब सुनुवार, किराया हङकङका आदरणीय सल्लाहकार ज्यूहरु/कुलपति शशि मदन राई, हेजन राई, बसन्त कुमारी राई, किन्दर राई,  भाषिक संस्थाका अध्यक्ष/प्रतिनिधि महोदयहरू, चाम्लिङ खाम्बातिमबाट पिताम्बर चाम्लिङ, दुमी फन्सिकिमबाट भलाकाजी दुमी, साम्पाङ जुम्लेखाबाट तेज कुमार साम्पाङ, पुमा तुक्खा बांखालाबाट बिनोद राई पुमा, बान्तावा यायोक्ला खिमबाट तिलक वालाहाङ, थुलुङ सामाबाट राम कुमार थुलुङ, सोदेल कोयु किमबाट हित्त बहादुर कोयु साथै किराया हङकङका कुबिमी श्रेष्ठ बहादुर नाछिरिङ, भारतीय गोर्खा भू.पु का अध्यक्ष जजिन चाम्लिङ, खोटांग समाजका अध्यक्ष टिका कोयु र तरहरा हङकङ मंचका  अध्यक्ष कालसिंग  नाछिरिङज्यूहरुलाई मंचमा आमन्त्रित गरिएका थिए | यस भब्य तथा ऐतिहासिक कार्यक्रमलाइ संयुक्त देउसी संयोजक तथा किराया हङकङकाका उपाध्यक्ष हरि साम्पाङ राईले संयुक्त देउसी गर्नु पर्ने कारण सहित देउसीमा सम्पूर्ण उपस्थित मानुभावहरुलाई हार्दिक स्वागत गर्नु भएको थियो |

स्वागत कार्यक्रम पछि मंचमा आमन्त्रित सम्पुर्ण अथिति तथा आयोजकहरुद्वारा दिप प्रज्वलित गरि कार्यक्रम उद्घाटन गरिएको थियो | अथितिद्दय  सुनुवार समाजका अध्यक्ष, भाषिक संस्थाका अध्यक्ष तथा प्रतिनिधिद्वारा एक आपसमा शुभकामना मन्तब्य सहित किराया हङकङका अध्यक्षद्वारा औपोचारिक कार्यक्रम समापन हुन साथ किरात मिथकमा आधारित ऐतिहासिक दानीवीर राजा बलिहाङको नामबाट जीत कर्ण राई र हरिचन्द्र राईले देउसी भटयाउने शुभकार्य सुरु भएको थियो |  यो कार्यक्रममा उपस्थित माहानुभाबहरुलाई स्वादिष्ट भोजन गराउने किराया हङकङका सुम्निमा मौलिक खानपान तथा भान्छा सेवा बिभागका प्रमुख पवित्रा चाम्लिङको संयोजकत्वमा भएको थियो |

अन्त्यमा यो ऐतिहासिक अवशरमा ८ न.टाईफुन र भिषण बर्षादको बाबजुद पनि उपस्थित हुनु हुने सम्पूर्ण आदरणीय दाजु भाई तथा दिदि बहिनीहरुलाई किराया हंगकंग हार्दिक सम्मान प्रकट गर्दछ र आउने दिनहरुमा यस्तै अनवरत सहयोगको किराया हंगककंग अपेक्षा गर्दै यो दिपावली २०१७ को अवशरमा सम्पूर्ण नेपालीजनहरुमा हिर्दय देखि नै शुभकामना !!

किराया हंगकंग

 27-09-2017, किरात राई यायोक्खा हङकङको खेलकुद विभागले गत आइतबार युनलोङ डिस्ट्रिक स्पोर्ट्स सेन्टरमा आयोजना गरेको ‘दोश्रो यलम्बर ब्याडमिन्टन च्याम्पियनसिप–२०१७ मा बान्तवा जोडीले जीत हात पारेका छन्। किरात राई भाषिक संस्थाहरुबीच खेलाइएको उक्त प्रतियोगितामा मेन्स डबल्स डिभिजन ए र बी तथा मिक्स्ड डबल्स गरी २९ जोडीले भाग लिएका थिए।

बेस्ट अफ थ्री नक आउट आधारमा खेलाइएको प्रतियोगितामा डिभिजन ए तर्फ बान्तवाका खेलाडी रजिन राई बान्तवा र मिलन राई बान्तवा को जोडीले हेमराज राई चाम्लिङ्ग र किरण राई चाम्लिङ्ग को जोडीलाई सोझो सेटमा हराएको थियो।

त्यसैगरी डिभिजन बी तर्फ पनि शान्ता राई बान्तवा र दिपेन राई बान्तवाको जोडीले गणेश राई पुमा र कवि राई पुमाको जोडीलाई बेस्ट अफ थ्री मा पराजित गरी उपाधि हात पारेका थिए। मिक्स डबल्समा भने हेमराज राई चाम्लिङ्ग र तिर्ना राई चाम्लिङ्गको जोडीले शुभराज राई बान्तवा र अजिता राई बान्तवाको जोडीलाई बेस्ट अफ थ्रीमा झिनो अन्तरले पराजित गर्न सफल भएका थिए।

प्रतियोगितामा बिजेताहरुलाई किराती परम्पराअनुसार फेटा गुथाएर सम्मान गर्दै नगद पुरस्कार र ट्रफी प्रदान गरिएको थियो। पुरस्कार किरात राई यायोक्खाका अध्यक्ष रजिन राई, सल्लाहकार शशी मदन राईलगायतले प्रदान गरेका थिए। कार्यक्रम सचिव बज्रकुमार थुलुङले संचालन गरेका थिए।

संस्थाका कोषाध्यक्ष गजेन राईले अन्य खेलभन्दा ब्याडमिन्टन सबै उमेरकालाई सिक्न र खेल्न सजिलो हुने तथा धेरै ओटा समूहलाई समेट्न सहज हुने भएकाले खेलका रुपमा ब्याडमिन्टन रोजिएको बताए। ‘गत वर्ष यस्तै प्रतियोगिता सबै नेपालीहरुलाई खुल्ला गर्दा जम्मा १८ टोली सहभागी भएका थिए तर अहिले राई भाषिक संस्थाहरुबाट मात्रै २९ टोली सहभागी भए,’ उनले भने, ‘यसले राईहरुमा सौहार्द्रपूर्ण वातावरण सिर्जना भएको छ। हरेक वर्ष यस्तै खेल संचालन गरिनेछ।’

प्रतियोगितामा किरात राई भाषिक संस्थाहरु बान्तावा, साम्पाङ, चाम्लिङ, पुमा, थुलुङ, कोई, बाहिङ, किरात राई चाम्लिङ स्पोर्ट्स क्लब लगायतका समूहहरुले भाग लिएका थिए।

मगेन्द्र राई

६ अगस्तमा २०१७, २३ औ विश्व आदिबासी दिवस अगस्त ९ मा विश्वभरि मनाइने भए पनि हंगकंगमा जनजाती महासंघ हंगकंगको आयोजनामा ६ अगस्त २०१७ मा मनाइयो | मूलबासीहरुको राजनीतिक, भाषिक, साँस्कृतिक, धार्मिक, शैक्षिक उत्पादित संसाधनमा बिशेष अधिकार ,विभेद र मानवअधिकारको हनन् जस्ता उत्पीडनबाट मुक्ति दिलाउन संयुक्त राष्ट्र संघले सन् १९९४ यो दिवसको साधारण सभा बाट अनुमोदन गरेको हो | किराया हंगकंगले यस अवशरमा आफ्नो जातिय भेष भुषा सहित साँस्कृतिक लोकप्रिय झ्याकी साकेला सिली किराया हंगकंगका साँस्कृतिक बिभागको अगुवाईमा प्रस्तुत गरिएको थियो | संसारको कुल जनसंख्याको करिब ५ प्रतिशत रहेको आदिवासी रहेको छ | २३ औ विश्व आदिबासी दिवसको अवसरमा सम्पूर्ण विश्वका आदिबासी प्रति हार्दिक सम्मान सहित शुभकामना !

किराया हंगकंग